اقوردانىڭ ءباسپاسوز قىزمەتى مەملەكەت باسشىسىنىڭ قاتىسۋىمەن وتەتىن ءىس-شارالار اڭداتپاسىن جاريالادى, دەپ حابارلايدى Egemen.kz.
پرەزيدەنت قاسىم-جومارت توقاەۆ 5 ماۋسىم كۇنى ەلوردادا مەملەكەتتىك تۋدى كوتەرۋ راسىمىنە قاتىسادى.
سالتاناتتى ءراسىم بارىسىندا مەملەكەت باسشىسى – قازاقستان قارۋلى كۇشتەرىنىڭ جوعارعى باس قولباسشىسى جوعارى اسكەري وقۋ ورنىنىڭ ۇزدىك تۇلەكتەرىنە وفيتسەرلىك شەن تاپسىرادى.
سونداي-اق 8 ماۋسىمدا مەملەكەت باسشىسى استانا حالىقارالىق فورۋمىنىڭ پلەنارلىق وتىرىسىندا ءسوز سويلەيدى.
«ديالوگ ارقىلى سىن-قاتەرلەردى ەڭسەرۋ: ىنتىماقتاستىق, وركەندەۋ جانە پروگرەسس جولىندا» اتتى فورۋمعا قاتىسۋشىلار كليماتتىڭ وزگەرۋى, ازىق-ت ۇلىك تاپشىلىعى, ەنەرگەتيكالىق قاۋىپسىزدىك جانە باسقا دا ماسەلەلەردى تالقىلايدى.
مارتەبەلى قوناقتاردىڭ قاتارىندا قاتار ءامىرى شەيح ءتاميم بەن حاماد ءال ءتاني, قىرعىزستان پرەزيدەنتى سادىر جاپاروۆ, بوسنيا جانە گەرتسەگوۆينا پرەزيديۋمىنىڭ توراعاسى جەلكا تسۆيانوۆيچ, حالىقارالىق ۆاليۋتا قورىنىڭ باسقارۋشى ديرەكتورى كريستالينا گەورگيەۆا, يۋنەسكو باس ديرەكتورى ودرە ازۋلە, بۇۇ باس حاتشىسىنىڭ ورىنباسارى, ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ (ەسكاتو) اتقارۋشى حاتشىسى ارميدا اليسدجابانا, وزبەكستان پرەمەر-ءمينيسترى ابدۋللا اريپوۆ جانە تاعى باسقالارى بار.
سونىمەن قاتار پرەزيدەنت قاسىم-جومارت توقاەۆ فورۋم اياسىندا بىرقاتار ەكىجاقتى كەزدەسۋ وتكىزەدى.