الماتى زووباعىنا ماسكەۋ حايۋاناتتار باعىنان پۋرگا ەسىمدى اق ايۋ جەتكىزىلدى. ول 6 جاستا, دەپ حابارلايدى Egemen.kz.
زووباق ءباسپاسوز قىزمەتىنىڭ مالىمەتىنشە, ەرەكشە جانۋاردى الماتىعا اكەلمەس بۇرىن ۇلكەن دايىندىق جۇمىستارى جۇرگىزىلگەن. ارنايى قورشاۋ جاسالىپ, باسسەين سالىنعان. ەارازا كوميسسياسىنىڭ كەلىسىمى الىنعان.
«بىزگە كەلگەننەن كەيىن اق ايۋ كارانتيندە بولدى. بۇل تالاپ زووباقتارعا اكەلىنەتىن, باسقا جاققا بەرىلەتىن بارلىق جانۋارلارعا قاتىستى. ەندى, كارانتين اياقتالىپ, ءبىزدىڭ كەلۋشىلەرىمىز زووباعىمىزدىڭ جاڭا تۇرعىنى – پۋرگانى كورە الادى. ونىڭ ورنالاسقان ۆولەرى كەڭ, اۋلاسىندا ەكى باسسەينى بار. ۇيشىگىنىڭ ىشىندە اۋانى سالقىنداتىپ تۇراتىن ارنايى جەلدەتكىش ورناتىلعان جانە سۋىق ەدەن جاسالعان», دەپ حابارلادى زووباقتىڭ ءباسپاسوز قىزمەتى.
ول سيىر, تاۋىق ەتىمەن, ءتۇرلى بالىقتارمەن, الما, المۇرت, سالات جاپىراعى, بالمەن قورەكتەنەدى.