«SOS استانا بالالار اۋىلى» مەكەمەسىندە حالىقارالىق بالالاردى قورعاۋ كۇنىنە ارنالعان «بالالار – ءومىر گ ۇلى» اتتى مەرەكەلىك ءىس-شارا ءوتتى. وعان ەلىمىزدىڭ قارۋلى كۇشتەرى ۇلتتىق اسكەري-پاتريوتتىق ورتالىعىنىڭ وكىلدەرى قاتىستى.
بۇل كۇنى بالالار اۋىلىندا «جاس سارباز» اسكەري-پاتريوتتىق كلۋبى اشىلدى. جاس پاتريوتتار انت بەرىپ, بالالار مەن جاسوسپىرىمدەر قوزعالىسىنىڭ كۋالىگىن الدى.
– ءبىزدىڭ قوزعالىستىڭ قۇرامىندا 250 مىڭنان استام ادام بار. سىزدەر ءۇشىن اسكەري-پاتريوتتىق كلۋبتاعى ساباقتاردى قىزىقتى, تانىمدىق جانە پايدالى ەتىپ وتكىزۋگە تىرىسامىز, – دەدى قوزعالىس جەتەكشىسى, مايور مەيىربەك مەڭدىعاليەۆ.
ۇلتتىق اسكەري-پاتريوتتىق ورتالىعىنىڭ باسشىسى ارمان اسەنوۆ تاربيەلەنۋشىلەردى مەرەكەمەن قۇتتىقتاپ, وسىناۋ ىستە جاۋاپكەرشىلىك تانىتۋعا شاقىردى. «سىزدەر بىرەر جىلدان سوڭ وتان قورعاۋشى اتاناسىزدار. بۇل وتە ابىرويلى ءارى جاۋاپتى مىندەت», دەدى ول ءوز سوزىندە.
«جاس سارباز» شىعارماشىلىق ستۋدياسى دايىنداعان مەرەكەلىك كونتسەرت, انيماتورلار مەن ءتۇرلى ويىندار بالالارعا كەرەمەت كوڭىل كۇي سىيلادى. «SF» ءتاتتى تاعامدار جەلىسىنىڭ قولداۋىمەن 150 بالاعا ءدامدى اس تاراتىلدى.
ەسكە سالا كەتەيىك, «SOS بالالار اۋىلى» – جەتىم بالالار مەن اتا-اناسىنىڭ قامقورلىعىنسىز قالعان بالالارعا ۇزاق مەرزىمدى وتباسىلىق قامقورلىق كورسەتۋ باعدارلاماسى.
مەرەي اۋعالي,
ل.ن.گۋميلەۆ اتىنداعى ەۇۋ ستۋدەنتى