سىبايلاس جەمقورلىققا قارسى ءىس-قيمىل اگەنتتىگى پاراقورلىقتى تابىس كوزىنە اينالدىردى دەپ ايىپتالعان كۇدىكتىلەرگە قاتىستى بىرنەشە ءىستى پروكۋراتۋراعا جولدادى. ءبىر وكىنىشتىسى, ايىپ تاعىلىپ وتىرعان ادامداردىڭ ىشىندە وسى قىلمىس تۇرىمەن كۇرەسۋگە ءتيىس قۇقىق قورعاۋ سالاسى وكىلدەرىنىڭ دە بار ەكەنى.
ماسەلەن, 2021 جىلى قىلمىستىق ءىستى توقتاتامىن دەپ الداۋ ارقىلى 40 ملن تەڭگە پارا العان پوليتسيا گەنەرال-مايورى ب.بيليالوۆقا قاتىستى تەرگەۋ اياقتالدى. ايىپتاۋ اكتىسى پروكۋراتۋراعا جىبەرىلگەن. سوندىقتان قىلمىستىق-پروتسەستىك كودەكستىڭ 201-بابىنا سايكەس تەرگەۋ مۇددەسى ءۇشىن وزگە اقپارات جاريا ەتۋگە جاتپايدى.
سونىمەن قاتار الماتى وبلىسى بويىنشا سىبايلاس جەمقورلىققا قارسى قىزمەت تجم «قازسەلدەنقورعاۋ» مم باسشىلارىنا قاتىستى سوتقا دەيىنگى تەرگەۋدى اياقتادى. ولار ورىندالعان جۇمىس اكتىلەرىنە قول قويعانى جانە جالپى قامقورلىعى ءۇشىن كاسىپكەرلەردەن جالپى سوماسى 396 ملن تەڭگەگە ءىرى جانە اسا ءىرى مولشەردە پارا العانى ءۇشىن ايىپتالعان بولاتىن. تەرگەۋ سوتىنىڭ سانكتسياسىمەن كۇدىكتىلەر قاماۋدا وتىر. قازىرگى ۋاقىتتا قىلمىستىق ءىس قپك 300-بابى تارتىبىنە سايكەس سوتقا جىبەرۋ تۋرالى ماسەلەنى شەشۋ ءۇشىن الماتى وبلىسىنىڭ پروكۋراتۋراسىنا بەرىلدى.
پاراقورلىق قىلمىسىنا قاتىستى تاعى ءبىر وقيعا اباي وبلىسىندا تىركەلگەن. 29 مامىردا اباي وبلىسى بويىنشا قىلمىستىق ىستەر جونىندەگى مامانداندىرىلعان اۋدانارالىق سوتى ەكولوگيا, گەولوگيا جانە تابيعي رەسۋرستار مينيسترلىگى ورمان شارۋاشىلىعى جانە جانۋارلار دۇنيەسى كوميتەتىنىڭ «سەمەي ورمانى» مەملەكەتتىك ورمان تابيعي رەزەرۆاتى» رمم باسشىلىعىنا جانە باسقا دا تۇلعالارعا قاتىستى ۇكىم جاريالادى.
مەملەكەتتىك مەكەمەنىڭ ءۇش باسشىسى ۇيىمداسقان قىلمىستىق توپقا قاتىسقان جانە كاسىپكەرلەردەن ءار كەزدەرى 700 مىڭنان 13 ملن تەڭگەگە دەيىن پارا العانى دالەلدەنگەن. كاسىپكەرلەر زاڭسىز سىياقىنى لاۋازىمدى تۇلعالارعا رەزەرۆات اۋماعىندا سانيتارلىق تازالاۋ مەن اعاش كەسۋگە رۇقسات بەرگەنى, مەملەكەتتىك ساتىپ الۋ جونىندەگى شارتتارعا كەدەرگىسىز قول قويعانى, سونداي-اق جالپى قامقورلىعى ءۇشىن بەرگەن. رەزەرۆاتتىڭ ءۇش باسشىسى 10 جىلعا سوتتالدى, ال بەس ازامات پارا بەرگەنى ءۇشىن كىنالى دەپ تانىلىپ, ءبىر جارىم جىلدان ءۇش جارىم جىلعا دەيىنگى مەرزىمگە باس بوستاندىعىنان ايىرىلدى. بۇدان كەيىن سوتتالعان ادامداردىڭ ءبارى ءومiر بويىنا مەملەكەتتiك قىزمەتتە, جەرگiلiكتi ءوزiن-ءوزi باسقارۋ ورگاندارىندا, قارجى ۇيىمدارىندا جانە كۆازيمەملەكەتتiك سەكتوردا ەڭبەك ەتە المايدى. ۇكىم زاڭدى كۇشىنە ەنگەن جوق.
سونىمەن قاتار وسىدان بىرنەشە كۇن بۇرىن انتيكوررۋپتسيالىق قىزمەت كەنتاۋ قالاسىنىڭ ەكس-اكىمىنە قاتىستى تەرگەۋدى اياقتاعان بولاتىن. 2013 جىلى ول پرەمەر-مينيستر كەڭسەسىنىڭ قىزمەتكەرى بولا وتىرىپ, ءىرى جەكەمەنشىك كومپانياسىنىڭ مەنشىك يەسىن جاۋاپتى لاۋازىمدى ادامداردا اسا ءىرى سومادا پارا بەرۋگە كوندىرگەن. وسى ءۇشىن قۇرىلىس بويىنشا تەندەردە جەڭىستى قامتاماسىز ەتۋگە ۋادە بەرەدى. تالاپ ەتىلگەن سومانى الىپ, وزىنە قالدىرىپ, اقشاسىنىڭ ءبىر بولىگىن استانا قالاسىنان جاڭا ءۇي, قىمبات اۆتوكولىك جانە بىرنەشە جۇك تەحنيكاسىن ساتىپ الۋعا جۇمساعان. ونىڭ ارەكەتتەرى اسا ءىرى كولەمدە پارا بەرۋگە يتەرمەلەۋ جانە الاياقتىق رەتىندە سارالانىپ, تەرگەۋ سوتىنىڭ سانكتسياسىمەن ول قاماۋدا وتىر. قازىرگى ۋاقىتتا قىلمىستىق ءىس ماتەريالدارى قابىلدانعان شەشىمنىڭ زاڭدىلىعىن تەكسەرۋ جانە ودان ءارى سوتقا جولداۋ ءۇشىن استانا قالاسىنىڭ پروكۋراتۋراسىنا تاپسىرىلدى.
ايتا كەتەيىك, كونستيتۋتسيانىڭ 77-بابى 3-تارماعىنىڭ 1-تارماقشاسىنا جانە قىلمىستىق-پروتسەستىك كودەكستىڭ 19-بابى 1-بولىگىنە سايكەس قىلمىستىق قۇقىق بۇزۋشىلىق جاسادى دەگەن كىناسى دالەلدەنىپ, سوتتىڭ زاڭدى ۇكىمى شىققانعا دەيىن ءاربىر ادام كىناسىز دەپ ەسەپتەلەدى.