مەملەكەت باسشىسى وتاندىق عىلىمعا حالىقارالىق وزىق تاجىريبەنى ەنگىزۋ ماسەلەسىن ايتا كەلە, ەلىمىزدە شەتەلدىك وقۋ ورىندارىنىڭ فيليالدارىن اشۋ قاجەت ەكەنىنە نازار اۋداردى, دەپ حابارلايدى Egemen.kz اقوردا ءباسپاسوز قىزمەتىنە سىلتەمە جاساپ.
ء«بىز جەتەكشى ۋنيۆەرسيتەتتەردى ەلىمىزدە فيليالدارىن اشۋ ءۇشىن شاقىرىپ وتىرمىز. مەن رەسەيدىڭ تەحنيكالىق ۋنيۆەرسيتەتتەرىن ىنتىماقتاسا جۇمىس ىستەۋگە شاقىردىم. الماتىداعى قازۇۋ-دا فيزيكا-تەحنيكا جانە اتىراۋدا مۇناي-گاز سالالارى بويىنشا رەسەي ۋنيۆەرسيتەتتەرىنىڭ بولىمشەلەرى اشىلدى. جاقىندا سيان قالاسىندا بولدىم. ول جەردە دە قىتايدىڭ تەحنيكالىق باعىتتاعى جوعارى وقۋ ورىندارى ءوز فيليالدارىن ەلىمىزدە اشۋىنا مۇددەلى ەكەنىمىزدى ايتتىم. مۇنىڭ ءبارى بىزگە پايدالى. ويتكەنى ءبىلىم حالىقارالىق ىنتىماقتاستىققا جول اشادى. بىلىمدە شەكارا بولمايدى. قارىشتاپ دامىپ كەتكەن ەلدەر بار. ارتتا قالىپ قويعان, بىراق وزىق مەملەكەتتەردى قۋىپ جەتۋگە تالپىناتىن ەلدەر دە بار. سوندىقتان بۇل سالانىڭ پەرسپەكتيۆاسى زور. قازاقستان ءبىلىم سالاسىن دامىتۋ ءۇشىن الدىڭعى قاتارلى ەلدەردىڭ قاتارىنا قوسىلادى دەپ ويلايمىن. مەن سىزدەرگە ۇلكەن ءۇمىت ارتامىن», دەدى پرەزيدەنت.