پرەزيدەنت قاسىم-جومارت توقاەۆ سولتۇستىك قازاقستان وبلىسىنا جۇمىس ساپارى بارىسىندا شارۋاشىلىق جاعدايىمەن جانە الداعى جوسپارلارمەن تانىستى, دەپ حابارلايدى Egemen.kz.
مەملەكەت باسشىسىنا بەرىلگەن مالىمەت بويىنشا:
وبلىستا جىل سايىن 650 مىڭ توننادان استام ءسۇت وندىرىلەدى. بۇل – رەسپۋبليكا بويىنشا وندىرىلەتىن ءسۇت كولەمىنىڭ 10 پايىزى.
سوڭعى بەس جىلدا وبلىستا 16,5 مىڭ باس ءىرى قاراعا ەسەپتەلگەن 30 ءسۇت فەرماسى اشىلدى.
بيىلدان باستاپ تاعى دا 17 تاۋارلىق ءسۇت فەرماسىن اشۋ ءۇشىن قوسىمشا 54,9 ملرد تەڭگە بولىنەدى.
ءوڭىردى كەشەندى دامىتۋ باعدارلاماسى اياسىندا «سولتۇستىك» الەۋمەتتىك-كاسىپكەرلىك كورپوراتسياسى ارقىلى جالپى قۇنى 35 ميلليارد تەڭگەگە 35 جوبا قارجىلاندىرىلعان.
مەملەكەت قولداۋىمەن 21 ءسۇت فەرماسى جانە 2 قۇس فابريكاسى اشىلدى. تاعى ءبىر قۇس فابريكاسى الداعى ۋاقىتتا پايدالانۋعا بەرىلەدى.
ەت ونىمدەرىن شىعارۋعا ماماندانعان «EMC-اگرو» جشس كەشەنىندەگى مال سانى 200 مىڭ باسقا دەيىن كوبەيىپ, قوسىمشا 180 جۇمىس ورنى اشىلماق.
ماي سىعاتىن زاۋىت, جىلىجاي, سۋارمالى ەگىستىك, اسىل تۇقىمدى قوي شارۋاشىلىعى سەكىلدى بىرنەشە باعىتتا ءتۇرلى جوبا جۇزەگە اسىرىلا باستاعان.