اقتوبە وبلىسىنداعى بىرنەشە زەينەتكەردىڭ 5 ميلليون تەڭگەسىن ۇرلاعان الاياق ۇستالدى, دەپ حابارلايدى Egemen.kz.
اقتوبە وبلىسى پوليتسيا دەپارتامەنتى حابارلاعانداي, الاياق ەگدە جاستاعى ايەلدەرگە تەلەفون سوعىپ, تۋىستارىنىڭ وقىس وقيعاعا ۇشىراعانىن ايتىپ, ولاردىڭ كومەگى قاجەت ەكەنىن ءتۇسىندىردى. سالدارىنان قارتتار بارىن بەرىپ, جيعان-تەرگەنىنەن ايىرىلىپ قالعان.
قىلمىستىڭ قۇرباندارى - 83, 87 جانە 90 جاستاعى قارت ادامدار. كەلتىرىلگەن شىعىننىڭ جالپى سوماسى 5 ميلليون تەڭگەدەن اسادى.
جەدەل-ىزدەستىرۋ شارالارى بارىسىندا 18 جاستاعى اقتاۋ قالاسىنىڭ تۇرعىنى انىقتالىپ, ۇستالدى. قىلمىستىق كودەكستىڭ 190-بابىنىڭ 3-بولىگى, 4-تارماعى «ەكى نەمەسە ودان دا كوپ ادامعا قاتىستى ءىرى كولەمدە الاياقتىق» بويىنشا سوتقا دەيىنگى تەرگەۋ امالدارى جۇرگىزىلدى.