بۇل تۋرالى مەملەكەت باسشىسى قاسىم-جومارت توقاەۆ «كوپپوليارلى الەمدەگى ەۋرازيالىق ينتەگراتسيا» اتتى ەۋرازيالىق ەكونوميكالىق فورۋمدا ايتتى, دەپ حابارلايدى Egemen.kz.
«جاھاندىق تاۋار اعىندارىنىڭ ايتارلىقتاي وزگەرگەن كورىنىسىن ەسكەرە وتىرىپ, قازىر بارلىق ايماقتا مۇمكىندىگىنشە جاڭا باعىتتاردى باقىلاۋ مەن قۇرۋ وتە ماڭىزدى. ءبىزدىڭ شىعىسىمىزدا كونتينەنتتىك ستراتەگيالىق بايلانىستى قۇرۋ جونىندەگى جارقىن جانە اۋقىمدى باستامالاردىڭ ءبىرى – قىتايدىڭ «بەلدەۋ جانە جول» جوباسى.
سولتۇستىك-وڭتۇستىك جەلىسى بويىنشا ساۋدا-ەكونوميكالىق ءوزارا ءىس-قيمىلعا سۇرانىس بىرنەشە ەسە كۇشەيە ءتۇستى. ءبىز وسى پروتسەستەردىڭ ورتالىعىندامىز», دەدى مەملەكەت باسشىسى.