دۇنيەجۇزىلىك دەنساۋلىق ساقتاۋ ۇيىمىنىڭ وكىلدەرى ادامزاتقا COVID-تەن دە قاۋىپتى جاڭا پاندەميانىڭ قاۋپى بار ەكەنىن بولجادى, دەپ حابارلايدى Egemen.kz.
23 مامىردا جەنەۆادا وتكەن جىل سايىنعى اسسامبلەيادا ددۇ باسشىسى تەدروس گەبرەيۋس جاڭا پاندەميا قاۋپىن جوققا شىعارۋعا بولمايتىنىن حابارلادى.
«اۋرۋ مەن ءولىم قاۋپى جوعارى COVID ۆيرۋسىنىڭ باسقا دا نۇسقاسى پايدا بولۋى مۇمكىن», دەدى ۇيىمنىڭ باس ديرەكتورى.
تەدروس گەبرەيۋس بۇكىل الەمدى بولاشاقتا قاۋىپكە قارسى تۇرۋعا دايىن بولۋعا شاقىردى.بۇدان بۇرىن حابارلانعانداي, ددۇ 5 مامىردا 2020 جىلدان بەرى كۇشىنە ەنگەن جاھاندىق كوروناۆيرۋستىق پاندەميا مارتەبەسىن جويۋ تۋرالى شەشىم قابىلدادى. پاندەميا 1150 كۇنگە سوزىلعان ەدى.