شىمكەنتتە «قامقور» باعدارلاماسىنا ءوتىنىم قابىلداۋ باستالادى

قازىرگى ۋاقىتتا وتباسى بانكى ءوتىنىم بەرۋ جۇيەسىن اياقتاۋعا جاقىن. بۇل باعدارلاما ەڭ الدىمەن تۇرعىن ءۇي كەزەگىنە  تىركەلە  المايتىن سالا ماماندارىنا ارنالعان. وعان دارىگەرلەر, مەدبيكەلەر, سانيتارلار, پەداگوگتەر, تاربيەشىلەر, جوو جانە كوللەدج وقىتۋشىلارى, عىلىمي قىزمەتكەرلەر, مادەنيەت جانە سپورت سالاسىنىڭ  قىزمەتكەرلەرى, جۋرناليستەر, ەنەرگەتيكا سالاسىنىڭ جانە «ازاماتتارعا ارنالعان ۇكىمەت» مەملەكەتتىك كورپوراتسياسى كەاق فيليالىنىڭ قىزمەتكەرلەرى, مەملەكەتتىك جانە بيۋدجەتتىك  ۇيىمداردىڭ قىزمەتكەرلەرى قاتىسا الادى.

جاڭا تۇرعىن ءۇي باعدارلاماسى شەڭبەرىندە وتىنىمدەردى قابىلداۋ جانە الەۋەتتى قارىز الۋشىلاردىڭ ءتىزىمىن قالىپتاستىرۋدا باستى وپەراتور وتباسى بانكى بولىپ تابىلادى.  جەڭىلدەتىلگەن نەسيەلەۋگە ۇمىتكەرلەردى ىرىكتەۋدەن وتكىزۋ بالدىق جۇيە ارقىلى ەسەپتەلەدى. 

شارتتارى:

ماكسيمالدى نەسيە سومماسى - 20 ملن تەڭگە

پايىزدىق مولشەرلەمە - 5% (جتسم - 5.2% باستاپ)

باستاپقى جارنا - 10%

جاو-دا كەزەككە تۇرۋ مىندەتتى ەمەس

شىمكەنت قالاسىندا سوڭعى 3 جىلدا تىركەلگەن بولۋ كەرەك

بەلگىلى ءبىر جۇمىس ورنىندا شىمكەنت قالاسىندا سوڭعى 12 ايدان كەم ەمەس ەڭبەك قىزمەتىن جۇزەگە اسىرۋ; سوڭعى 5 جىل باسپانا تىركەلمەگەن بولۋى كەرەك.