بۇگىن, 23 مامىردا استانانىڭ سول جاعالاۋىندا قۇرىلىسى اياقتالۋعا جاقىن جاڭا عيماراتتاردىڭ ءبىرى ورتەندى, دەپ حابارلايدى Egemen.kz.
ەلوردانىڭ توتەنشە جاعدايلار دەپارتامەنتى مۇحامەتحانوۆ كوشەسىندەگى قۇرىلىس الاڭىندا ءورت شىققانى تۋرالى حابارلادى.
الەۋمەتتىك جەلىدە «حان-شاتىر» ويىن-ساۋىق جانە ساۋدا ورتالىعى اۋماعىنداعى قارا ءتۇتىن بەينەلەنگەن ۆيدەو تارادى. كۋاگەرلەردىڭ ايتۋىنشا, ءورت ورنىندا جارىلىس دىبىستارى دا ەستىلگەن.
قالالىق تجد ءباسپاسوز قىزمەتى حابارلاعانداي, ءورت سوندىرۋشىلەر ءورت تۋرالى حابارلاماعا ساعات 16:28-دە شىققان.
«مامانداردىڭ ايتۋىنشا, وقيعا ورنىندا ءۇش گاز باللونى جارىلعان, جارىلىس سالدارىنان جابىندىق ماتەريالدىڭ 15 ورامى ورتەنگەن. جالىن 16:45-تە وقشاۋلاندى», دەلىنگەن حابارلامادا.
ۆەدومستۆو ءمالىم ەتكەندەي, وقيعا ورنىنا جەكە قۇرامنىڭ 19 ادامى مەن 4 تەحنيكا جۇمىلدىرىلعان.