تجد ازاماتتىق قورعانىس باسقارماسىنىڭ باستىعى ازامات قۇسايىنوۆ شومىلۋ ماۋسىمى باستالار الدىندا سۋدا ءوزىن-ءوزى ۇستاۋ ەرەجەلەرىن ەسكە سالدى, دەپ حابارلايدى Egemen.kz.
ا.قۇسايىنوۆ ەلوردادا ءتورت ايماقتا – ورتالىق جاعاجايدا, «تري پەسكاريا», «ستوليچنىي دۆور» دەمالىس ايماعىندا جانە بەيسەكوۆ كوپىرىنىڭ جانىنداعى كوممۋنالدىق ءيىرۋ الاڭىندا شومىلۋ رەسمي تۇردە رۇقسات ەتىلگەنىن ايتتى.
ونىڭ سوزىنشە, ەلوردالىق قۇتقارۋشىلار شومىلۋ ماۋسىمىنىڭ باستالۋىنا دايىندالىپ جاتىر. ولار سۋ ايدىندارىنىڭ ماڭىنا ەسكەرتۋ بەلگىلەرىن ورناتىپ, قالا مەكتەپتەرىندە دارىستەر وقىپ ءجۇر.
«سۋعا شومىلۋ ماۋسىمى جىل سايىن 1 ماۋسىمدا باستالادى. ارنايى جابدىقتالعان ورىنداردا, قۇتقارۋشىلارى بار باسسەيندەردە, جاعاجايلاردا شومىلۋ كەرەك. دەنى ساۋ ادامنىڭ قاۋىپسىز شومىلۋى ءۇشىن سۋدىڭ تومەنگى تەمپەراتۋراسى +18, ال اۋا تەمپەراتۋراسى كەم دەگەندە +23 بولۋ كەرەك. بىراق بالالار مەن ناۋقاستار ءۇشىن مۇنداي شومىلۋ تەمپەراتۋراسى دەنساۋلىق پەن ومىرگە قاۋىپتى», دەدى ا. قۇسايىنوۆ.
سونداي-اق ول, ستاتيستيكاعا سۇيەنسەك, 80% جاعدايدا ادامدار ماس كۇيىندە جانە جابدىقتالماعان, بەيتانىس جەرلەردە شومىلۋ سالدارىنان سۋعا باتىپ كەتەتىنىن اتاپ ءوتتى.
الاكولدە دە بيىلعى جىلدىڭ 5 ماۋسىمىندا اشىلاتىن سۋعا شومىلۋ ماۋسىمىنا قىزۋ دايىندىق ءجۇرىپ جاتىر.
ارۋجان ناعاشباي,
ل.ن.گۋميلەۆ اتىناداعى ەۇۋ ستۋدەنتى