ءبىر عانا ونەر تۋىندىسى 20,3 ميلليون ەۋروعا ساتىلدى. الايدا, نيۋ-يوركتەگى ساۋدا-ساتتىقتىڭ بۇل ناتيجەسى ناعىز ساراپشىلاردى تاڭعالدىرمادى. ويتكەنى اڭگىمە گەرحارد ريحتەردىڭ (Gerhard Richter) سۋرەتى جايلى بولىپ وتىر. 91 جاستاعى سۋرەتشىنى ونەرتانۋشىلار «21-عاسىرداعى پيكاسسو» دەپ اتايدى, دەپ حابارلايدى Egemen.kz DW-گە سىلتەمە جاساپ.
اقش-تا اۋكتسيوندا ساتىلعان «4096 ءتۇس» كارتيناسى - سۋرەتشى 1966 جىلدان 1974 جىلعا دەيىن جۇمىس ىستەگەن «تۇستەر» تسيكلىندەگى جۇمىستارىنىڭ ءبىرى. بۇل تسيكلدە سۋرەتشى قىزىل, كوك, سارى جانە جاسىل تۇستەردى قولدانىپ, ءتورت مىڭنان استام ءتۇرلى تونداردى شىعاردى.
ءدال وسى ءتۇستى كۆادراتتار كەلن سوبورى ءۇشىن «پيكسەل» ۆيتراجىنىڭ نەگىزىن قالادى. ۆيتراجدار 11500 شىنى شارشىلاردان 72 تۇستەن تۇرادى. ول 2007 جىلى گوتيكالىق سوبوردا ورناتىلدى.
گەرحارد ريحتەر كەلندە تۇرادى, بىراق كوپشىلىك كوزىنە تۇسە بەرمەيدى. درەزدەن تۋماسى - الەمدەگى ەڭ تابىستى زاماناۋي سۋرەتشىلەردىڭ ءبىرى. ونىڭ تۋىندىلارىن ەڭ تانىمال مۇراجايلاردىڭ زالدارىنان كورۋگە بولادى. ولار رەكوردتىق باعاعا ساتادى. مىسالى, 1993 جىلى بويالعان ريحتەردىڭ «جاسىل-قىزىل-كوك 789-33» كارتيناسى كەلندەگى اۋكتسيوندا 533 400 ەۋروعا ساتىلدى, بۇل Sotheby's اۋكتسيون ءۇيىنىڭ مالىمەتى بويىنشا, باستاپقى باعادان الدەقايدا كوپ.