تابىلعان كيىك ولەكسەلەرىنىڭ 95%-ى - ءتولى, 5%-ى انالىقتارى ەكەنى ناقتىلاندى, دەپ حابارلايدى Egemen.kz.
19 مامىردا ساعات 18:00 شاماسىندا باتىس قازاقستان وبلىسى جانىبەك اۋدانى كۇيگەنگۇل وكرۋگىنىڭ اۋماعىنداعى اششىوزەك وزەنىنىڭ جاعاسىنان جانىبەك تىرەك پۋنكتىنىڭ توبى 150-گە جۋىق كيىك ولەكسەسىن انىقتادى, ونىڭ 95%-ى ءتولى, 5%-ى انالىقتارى.
قر ەكولوگيا جانە تابيعي رەسۋرستار مينيسترلىگىنە قاراستى ورمان شارۋاشىلىعى جانە جانۋارلار الەمى كوميتەتى كيىك ولەكسەلەرى 300 مەتر راديۋستا جاتقانىن حابارلادى.
«پاتولوگيالىق ماتەريالداردى, سونىمەن قاتار اۋماقتاعى وسىمدىك, توپىراق جانە اۋا سىنامالارىن الۋ ءۇشىن وقيعا ورنىنا «بوكەيوردا» رەزەرۆاتىنىڭ قىزمەتكەرى مەن جانىبەك اۋدانىنىڭ ۆەتستانتسياسى, سانەپيدقىزمەتى وكىلدەرى جىبەرىلدى. سىنامالار الىنعاننان كەيىن ولەكسەلەر جانىبەك اكىمدىگى مەن «وحوتزووپروم «وب»رمقك قىزمەتكەرلەرىمەن جويىلادى», دەلىنگەن حابارلامادا.