مۋزەي ءتۇنى قايدان شىقتى؟

مۋزەيدەگى ەكسپوناتتاردىڭ بارىنە جان بىتكەن تۇندەگى قىزىق وقيعالارعا تولى «مۋزەي ءتۇنى» ءفيلمى ءبارىنىڭ ەسىندە بار شىعار. كىشكەنتاي كۇنىمىزدە سونىڭ ءبارى راس پا ەكەن دەپ مۋزەيلەردەگى تاس مۇسىندەردىڭ قالاي تىرىلەتىن كورگىمىز كەلەتىن. ال قازىر مۋزەيدىڭ راسىمەن دە, وتكەن تاريحتىڭ جانى ەكەنىن تۇسىندىك.

جالپى «مۋزەي ءتۇنى» اكتسياسىنىڭ پايدا بولۋىنا 1993 جىلى جارىق كورگەن وسى ءفيلمنىڭ اسەرى بار. ويتكەنى كوپتەگەن كورەرمەن ءدال وسى كينوكارتينادان كەيىن مۋزەيدى تۇندە كورۋگە ىقىلاس تانىتقان.

ال اكتسيا العاش رەت 1997 جىلى گەرمانيادا وتكەن. بەرلين قالاسىنداعى 18 مۋزەي قالا تۇرعىندارىن تۇندە قارسى العان بولاتىن. شاراعا 30 مىڭنان استام ادام كەلگەن. ەكىنشى رەت وتكىزىلگەن كەزدە كەلۋشىلەردىڭ سانى 50 مىڭعا دەيىن جەتىپ رەكورد ورناتىلعان. بۇل اكتسيا الەم ەلدەرىنە تارالىپ, تانىمال بولا ءتۇستى. سودان كەيىن 2005 جىلى فرانتسۋزدار بۇل اكتسيانى جىل سايىن وتكىزىپ تۇرۋعا ۇسىنىس بىلدىرگەن. ەۋروپا كەڭەسى ۇسىنىستى قابىلداعاننان سوڭ «مۋزەي ءتۇنى» الەمنىڭ 38 ەلىندەگى 2 مىڭنان استام مۋزەيدە وتكىزىلگەن. ول ەلدەردىڭ قاتارىندا قازاقستان دا بار. اكتسيا ءبىرىنشى رەت قر ورتالىق مۋزەيىندە ۇيىمداستىرىلعان.

بۇل اكتسيا قازاقستان مۋزەيلەرىندە وسى جىلى دا ۇيىمداستىرىلادى.