قازىر حوككەيدەن الەم چەمپيوناتى ءوتىپ جاتىر. قازاقستان ەلشىلىگى وتانداستارىمىزبەن بىرلەسىپ, ۇلتتىق قۇراما حوككەيشىلەرىن قولداۋ ماقساتىندا لاتۆيانىڭ يۋرمالا قالاسىندا ەلىمىزدەگى ەڭ ۇلكەن تۋدى جايىپ, فلەشموب وتكىزدى, دەپ حابارلايدى Egemen.kz.
قازاقستان قۇراماسى لاتۆيانىڭ ريگا قالاسىندا شايبالى حوككەيدەن ءوتىپ جاتقان الەم چەمپيوناتىنا قاتىسىپ جاتىر. وسىعان وراي ەلىمىزدەگى ەڭ ۇلكەن تۋ ۇلتتىق قۇرامانى قولداۋ ماقساتىندا يۋرمالا قالاسىندا جايىلدى. سونداي-اق بۇل فلەشموب 2027 جىلعى حوككەيدەن الەم چەمپيوناتىن قازاقستاندا وتكىزۋ ءوتىنىمىن قولداۋ ۇشىن دە جاسالعان.
ريگاعا ارنايى جەتكىزىلگەن تۋدىڭ جالپى كولەمى 800 شارشى مەتر.
قازاقستاننىڭ لاتۆياداعى ەلشىلىگى ريگا جانە يۋرمالا دۋماسىنىڭ باسشىلىعىنا, 86-شى الەم چەمپيوناتىنىڭ ۇيىمداستىرۋ كوميتەتىنە جانە لاتۆيا حوككەي فەدەراتسياسىنا العىس ءبىلدىردى.
ايتا كەتەيىك, بۇگىن قازاقستان قۇراماسى كانادا قۇراماسىنا قارسى ويىن وتكىزەدى.