ەرۇلان جاماۋباەۆ بيۋدجەت قارجىسىن يگەرە الماعان مينيسترلىكتەردى اتادى

ءمينيستردىڭ ايتۋىنشا, مەملەكەتتىك بيۋدجەت شىعىسى 98,6%, رەسپۋبليكالىق بيۋدجەت شىعىسى 99,0%, جەرگىلىكتى بيۋدجەتتەر شىعىسى 98,6% اتقارىلعان. رەسپۋبليكالىق بيۋدجەتتىڭ شىعىسى 7 ترلن تەڭگەنى قۇرادى. ال اتقارىلماعان سوما - 72 ميلليارد تەڭگە. ونىڭ ىشىندە 16 ميلليارد تەڭگە ۇنەمدەلدى. يگەرىلمەگەنى - 55 ملرد تەڭگە.

سونداي-اق ول بيۋدجەت قارجىسىن يگەرە الماعان مينيسترلىكتەردى اتادى. 

«مادەنيەت جانە سپورت, اقپارات جانە قوعامدىق دامۋ, ەكولوگيا جانە تابيعي رەسۋرستار, تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىكتەرى بيۋدجەت قارجىسىن تولىق يگەرمەگەن», دەدى ەرۇلان جاماۋباەۆ.

ونىڭ ايتۋىنشا, بيۋدجەت قارجىسى مەملەكەتتىك ساتىپ الۋ كونكۋرستارىنىڭ ۇزاق وتكىزىلۋى, ورىندالعان جۇمىستاردىڭ اكتىلەرى مەن شوت-فاكتۋرالاردىڭ ۋاقتىلى ۇسىنىلماۋى سىندى سەبەپتەرمەن يگەرىلمەگەن بولۋى مۇمكىن.

«جەرگىلىكتى بيۋدجەتتەردىڭ شىعىسى 3,3 ترلن تەڭگە بولدى. اتقارىلماعانى - 47 ملرد تەڭگە. بيىل وڭىرلەرگە 2 ترلن تەڭگەگە جۋىق نىسانالى ترانسفەرتتەر كوزدەلگەن. ولارعا 1 مامىرعا 473 ملرد تەڭگە ءبولىندى. ونىڭ 97%-ى يگەرىلدى. ال يگەرىلمەگەنى – 14 ملرد تەڭگە. بۇل رەتتە استانا جانە الماتى قالالارى, اتىراۋ جانە تۇركىستان وبلىستارى قارجىنى تولىق يگەرمەگەن», دەدى قارجى ءمينيسترى.