مادەنيەتى ورلەگەن مۇنايلى ءوڭىر

ءمينيستردىڭ ايتۋىنشا, ەلىمىز­دەگى مادەنيەت, سپورت, تۋريزم جانە كينو سالاسىندا ءوسۋ ءۇر­دى­­سى بايقالادى. جاقىندا مادە­نيەت سالاسىنداعى ساياساتتى ىسكە اسى­رۋ­دىڭ 2023-2029 جىلدارعا ار­­نال­عان تۇجىرىمداماسى بەكى­تىلگەن. وندا ىسكە اسىرىلاتىن نەگىزگى ماقساتتار ايقىندالىپ وتىر. 

– ەلىمىزدە بىرنەشە تۇعىرلى تۇلعانىڭ مەرەيتويىن كەڭىنەن اتاپ ءوتۋ جوسپارى بار. ناقتىلاي ايت­قاندا, داڭقتى قولباسشى سۇل­تان بەيبارىستىڭ 800 جىل­دىعى, كورنەكتى مەملەكەت قايراتكەرى, عالىم تەمىربەك جۇرگەنوۆتىڭ 125 جىلدىعىن حالىقارالىق دەڭگەي­دە اتاپ وتەدى. دەشتى قىپ­شاق دالاسىنان شىققان داڭق­تى تۇلعانىڭ مەرەيتويىنا ار­نالعان حالىقارا­لىق عىلى­مي-پراكتيكالىق كونفە­رەن­تسيا­لار, دوڭگەلەك ۇستەلدەر, شى­عار­ماشىلىق كەشتەر, كورمە­لەر ۇيىمداستىرۋ قولعا الىندى. جىل باستالعان ساتتە سۇلتان بەيبارىستىڭ ەسىمى ەلوردانىڭ ءبىر كوشەسىنە بەرىلدى. سونىمەن قاتار كۇزدە قازاقستاننىڭ مىسىر­داعى مادەنيەت كۇندەرىن وتكىزۋ جوسپاردا تۇر. وعان اتىراۋ وبلىسىنىڭ دەلەگاتسياسى بارادى. XXX كاير حالىقارالىق قازىر­گى زامانعى ەكسپەريمەنتال­دى تەاتر فەستيۆالىندە اتىراۋ ونەرىنىڭ قارا­شاڭىراعى – ماحامبەت اتىن­داعى اكادەميالىق قازاق دراما تەاترى كورنەكتى جازۋشى, دراماتۋرگ راحىمجان وتارباەۆتىڭ «سۇلتان بەيبارىس» سپەكتاكلىن ساحناعا شىعارادى. رەسپۋبليكالىق ايتىس, سۋرەتشىلەردىڭ سيمپوزيۋمى سەكىلدى مادەني ءىس-شارالار وتەدى. بۇعان وبلىستىڭ مادەنيەت مەكە­مەلەرى دايىندىعىن بەلسەندى جۇرگىزىپ جاتىر,  دەدى مينيستر.

اسحات ورالوۆتىڭ ايتۋىنا قاراعاندا, اتىراۋ وبلىسىندا 2025 جىلعا دەيىن 20 سپورت جانە دەنەشىنىقتىرۋ-ساۋىقتىرۋ كە­شەندەرىنىڭ قۇرىلىسىن سالۋ جوسپارلانىپتى. كەزدەسۋدە ءوڭىر تۇرعىندارى بىرنەشە ماسەلەگە بايلانىستى جوبالار ۇسىندى. اسىرەسە تۋريزم سالاسىن دامىتۋ, مۇ­گەدەكتىگى بار سپورتشىلارعا كوڭىل ءبولۋ, ارنايى جاتتىعۋ ورنىن سالۋعا جەر تەلىمىن بەرۋ, جەكە سپورت مەكتەپتەرىندە جاتتىعاتىن بالالاردى جارىستارعا جىبەرۋگە قار­جى قاراستىرۋ, فۋتزالعا ار­نال­عان مانەج سالۋ سەكىلدى جوبا­لار بار.

مينيستر ماحامبەت اۋدانىن­داعى «ونەرپاز» اۋداندىق مادەنيەت ءۇيىنىڭ جۇمىسىمەن تانىستى. مۇندا باتىس قازاقستان وبلىستىق قادىر مىرزا ءالى اتىنداعى مادەنيەت جانە ونەر ورتالىعى­نىڭ ۇيىمداستىرۋىمەن ءوتىپ جاتقان «دالا ديدارى» كوشپەلى كونتسەرتىنە قاتىستى.

– قازاقتىڭ قادىرىنىڭ مۇرا­سىن وشىرمەي, كوشپەلى كونتسەرت ۇيىمداس­تىرىپ جۇرگەن ورتالىقتىڭ جۇمىسى كوپكە ۇلگى بولارلىقتاي. ءبىز مۇنداي نىسانداردى وبلىس ورتالىعىنا عانا ەمەس, اۋىلدىق جەرلەردە دە كوپتەپ سالۋى­مىز كەرەك. اۋداندا تۇرعىندار سانى­نىڭ وسۋىنە بايلانىستى مادەنيەت ءۇيىن كەڭەي­تۋ قاجەتتىگىنە كوز جەتكىزدىم. سول سەبەپتەن, بۇل مەكەمەگە جاڭادان تەحنيكالىق جابدىقتار ساتىپ الىپ بەرۋگە جانە 400 ورىندىق مادەنيەت ءۇيىن سالۋعا شەشىم قابىلدادىم,  دەدى اسحات ورالوۆ.

بۇل اۋداندا 1 مىڭ ورىندىق بالالار-جاسوسپىرىمدەر سپورت مەكتەبى بار. نىسان 2003 جىلى سالىنىپ, 2017-2018 جىلدارى كۇردەلى جوندەۋدەن وتكەن. قازىر مۇنداعى بوكس, ۆولەيبول, فۋتبول, باس­كەتبول, جەڭىل اتلەتيكا, قازاق كۇرەسى, توعىزقۇمالاق, دزيۋدو ۇيىرمەلەرىنە 720 وقۋشى قاتىسادى. سپورت مەكتەبىندە 23 قىزمەتكەر جۇمىس ىستەيدى, ونىڭ 9-ى – جاتتىقتىرۋشى.

ال يندەر اۋدانىنداعى «يندەر-مادەنيەت» مادەنيەت ءۇيىنىڭ عيماراتى 2016 جىلى سالىنعان. سىيىمدىلىعى – 400 ورىن. مۇندا 86 ادام جۇمىس ىستەيدى, ونىڭ 55-ءى – مادەنيەت قىزمەتكەرى, 29-ى – وركەستر مامانى, 31-ءى – تەحنيكالىق قىزمەتكەر. مادە­نيەت ۇيىندە دومبىرا جانە بي ۇيىر­مەسى بار. بۇعان قوسا ر.عاب­ديەۆ اتىنداعى حالىقتىق ۇلت اسپاپتار وركەسترى, «ارۋ-انا» حالىقتىق اجەلەر ءانسامبلى, «اقجايىق» حالىق تەاترى, «اقجايىق» حالىقتىق ۆوكالدى اسپاپتار ءانسامبلى, «اسەم-اي» ۇلگىلى بي ءانسامبلى, «بويتۇمار», «بەك­زات» بي انسامبلدەرى, «اتا­مۇرا» اعالار ءانسامبلى جانە «قار­لىعاش» ۇلگىلى بالالار حورى قۇرىلعان.

يندەر اۋداندىق جاستار رەسۋرس­­تىق ورتالىعى عيماراتى 1969 جىلى پايدالانۋعا بەرىلگەنى­مەن, 2019 جىلى عانا كۇردەلى جوندەۋدەن وتكەن. ورتالىقتا 5 مامان جۇمىس ىستەيدى. جاستاردىڭ بوس ۋاقىتىن ءتيىمدى پايدالانۋدى ۇيىمداستىرۋ ماقساتىندا ۇستەل تەننيسى, بيليارد تاقتاسى قويىلعان. مۇندا «Inderbor Cinema» كينوتەاترى 3 سەانسپەن كورەرمەندەر قابىلدايدى. بيلەتتەردى «Tiketon.kz» سايتىنان ونلاين ساتىپ الۋعا مۇمكىندىكتەر قاراستىرىلعان. بيلەت قۇنى بالالارعا – 500, ستۋدەنتتەرگە – 600-800, ەرەسەكتەرگە – 1 200-1 800 تەڭگە. كينوتەاتر 130 كورەرمەنگە ارنالعان.

اتىراۋ وبلىسى