ءجابىر كورگەندەرگە – جان جىلۋى

دەرەك كوزدەرىنە جۇگىنسەك, وتكەن جىلى وبلىستا تۇرمىستىق زورلىق كورگەن 86 ايەل قۇقىق قورعاۋشىلار كومەگىنە جۇگىنىپ, ولاردىڭ بارلىعى الماتى قالا­سىنداعى داعدارىس ورتا­لىعىنا جىبەرىلگەن.

– بىلتىر وبلىستا كىسى قولى­نان التى ايەل قازا تاپتى. وتباسىلىق-تۇرمىستىق قاتىناستار سالاسىندا 27 قىلمىس جاسالىپ, زورلاۋ فاكتىسى تىركەلگەن. ەگەر كۇيەۋى قورلىق كورسەتىپ, ءجيى قول جۇمساسا دەرەۋ سەنىم تەلەفونىنا حابارلاسۋ كەرەك. بىزدە 1307 ءنومىرلى سall ورتالىق جانە سەنىم تەلەفونى بار. وسى بايلانىس نومىرلەرىنە حابارلاما كەلىپ تۇسكەن جاعدايدا اۋداندىق جەدەل ۋاكىل مەن ينسپەكتورلار مەكەنجايعا بارىپ, جانجالدىڭ سەبەپ-سالدارى انىقتالادى. كۇش كورسەتكەن جولداسىنا نەمەسە وزگە تۋىستارىنا قاتىستى اكىم­شىلىك نەمەسە قىلمىستىق جازا قولدا­نىلادى. ال جابىرلەنۋشىنىڭ بار­لىق قۇقىعى مەن قاۋىپسىزدىگى زاڭمەن قورعالادى, – دەيدى وبلىس­تىق پد جەرگىلىكتى پوليتسيا باسقار­ماسىنىڭ اعا ينسپەكتورى دينارا اياتبەكوۆا.

ء«بىر كۇن ۇرىس بولعان ۇيدەن قىرىق كۇن ىرىس كەتەدى» دەپ بەكەر ايتپاسا كەرەك. جانجال, ايقاي-شۋ بولعان ءۇيدىڭ بەرەكەسى قاشىپ, وعان قوسا بالالاردىڭ بويىن قورقىنىش بيلەرى ءسوزسىز. وسىنداي كۇيگە تۇسكەن انا مەن بالاعا جاڭا اشىلعان ورتالىق پانا بولۋدى ماقسات ەتىپ وتىر. مۇندا پسيحولوگيالىق, قۇقىقتىق جانە مەديتسينالىق قىزمەت تۇرلەرى تەگىن كورسەتىلەدى. مەكەمەگە تاعدىر تاۋقىمەتىن تارتىپ, وتباسىلىق قيىندىققا تاپ بولعان ايەلدەر قا­بىلدانادى. ەگەر تۇرمىستىق جاعدايى جاقسارماعان جاعدايدا بۇل جەردە التى ايعا دەيىن تۇرۋىنا بولادى. وزدەرى قالاعان ىسپەن اينا­لىسۋىنا, ايتالىق كيىم تىگىپ, بىلىمدەرىن جەتىلدىرۋىنە دە جاع­داي جاسالعان. ورتالىق ديرەكتورى راۋشان الپىسباەۆانىڭ ايتۋىنشا, مۇنداعى ماماندار اۋداندارداعى جۇمىسپەن قامتۋ ورتالىعىنا شىعىپ, جاپا شەككەن ايەلدەردى 3 ايلىق كۋرستارعا وقىتىپ, يكەمى بار كاسىپپەن اينالىسۋىنا كومەك بەرىپ كەلەدى.

سونداي-اق وبلىس اۋماعىندا ومىر­لىك قيىن جاعدايلارعا تاپ بولعان ايەلدەرگە «زورلىق-زومبى­لىققا جول بەرمە» ايەلدەر مەن بالالاردى قولداۋ ورتالىعىنىڭ قوعامدىق بىرلەستىگى, «Azamatsha.kz قايىرىمدىلىق قورى» جانە «جانۇيا» قوعامدىق بىرلەستىك­تەرى كومەك كورسەتۋمەن اينالىسىپ كەلەدى.

الماتى وبلىسى