قر ىشكى ىستەر ءمينيسترى مارات احمەتجانوۆ قوستاناي وبلىسىندا سينتەتيكالىق ەسىرتكى تاراتتى دەگەن كۇدىكپەن ۇستالعان پوليتسەيگە قاتىستى پىكىر ءبىلدىردى, دەپ حابارلايدى Egemen.kz.
«شىنىمەن دە جاقىندا پوليتسەي ۇستالدى. قىلمىس جاساعان ءار ادام ءبىزدىڭ زاڭناماعا سايكەس جاۋاپقا تارتىلادى. اتالعان كۇدىكتى قاماۋعا الىندى. قازىر قىزمەتتىك تەكسەرۋ باستالدى. ونىڭ قورىتىندىسى بويىنشا كىنالىلەر انىقتالسا, زاڭ اياسىندا بەلگىلەنگەن جاۋاپكەرشىلىككە تارتىلادى», دەدى م.احمەتجانوۆ ءماجىلىس الاڭىندا.
سونداي-اق مينيستر وبلىستىق ىشكى ىستەر ورگانىنىڭ باسشىلىعى دا جاۋاپقا تارتىلاتىنىن ايتتى.