مۇناي باعاسى قىمباتتادى

ۇلتتىق ستاتيستيكا بيۋروسىنىڭ دەرەكتەرى بويىنشا ءساۋىر ايىندا مۇناي 2022 جىلعى ساۋىرگە قاراعاندا 7,6 پايىزعا قىمباتتاپ, تونناسىنا 96,1 مىڭ تەڭگەگە جەتتى.

ەلىمىزدەگى ەڭ قىمبات باعا اتىراۋ وبلىسىندا. وندا شيكىزات تونناسى 96,7 مىڭ تەڭگەگە باعالانعان. ماڭعىستاۋ وبلىسىندا باعا 94,8 مىڭ تەڭگەنى قۇراسا, قىزىلوردا وبلىسىندا تونناسىنا 94,4 مىڭ تەڭگە. اقتوبە وبلىسىندا تونناسىنا 93,5 مىڭ تەڭگە. سونىمەن قاتار وتكەن ايدا ءبىر توننا بەنزين ورتاشا ەسەپپەن 142,7 مىڭ تەڭگەنى قۇراپ, ءبىر جىلدا 0,4 پايىزعا ءوستى.

وزگەرىستەر ديزەل وتىنىنا دا اسەر ەتتى, ول تونناسىنا 3,4 پايىزعا, 166,7 مىڭ تەڭگەگە دەيىن قىمباتتادى.