تاشكەنتتە ءوتىپ جاتقان بوكستان الەم چەمپيوناتىندا تاعى ءبىر بوكسشىمىز ءساتتى ونەر كورسەتتى. 80 كەلى سالماق دارەجەسىندە وتكەن جەكپە-جەكتە قازاقستاندىق نۇربەك ورالباي قارسىلاسىنان باسىم ءتۇستى, دەپ حابارلايدى Egemen.kz.
بوكستان الەم چەمپيوناتىنىڭ 1/8 فينالى اياسىندا قازاقستاندىق بوكسشى نۇربەك ورالباي جەكپە-جەك وتكىزدى. ول شيرەك فينالعا شىعۋ ءۇشىن تۇركيالىق بوكسشى كاان ايكۋتسۋنمەن جۇدىرىقتاستى. 80 كەلى سالماق دارەجەسىندە وتكەن جەكپە-جەكتە قازاقستاندىق سپورتشى جەڭىسكە جەتتى.
بۇگىن تۋرنيردە قازاقستاننىڭ تاعى ءۇش وكىلى ونەر كورسەتەدى: ماحمۇد سابىرحان (54 كەلى), دۋلات بەكباۋوۆ (67 كەلى) جانە نۇرقانات رايىس (75 كەلى).