7 مامىردا 23 ساعات 52 مينۋتتا مەدەۋ اۋدانى, ىلە-الاتاۋ مەملەكەتتىك ۇلتتىق تابيعي پاركىنىڭ فيليالى, كىشى الماتى ورمانشىلىعىنىڭ تاۋ باۋرايىندا قۇرعاق شوپتەر مەن قۋراعان اعاشتاردىڭ جانىپ جاتقانى انىقتالعان بولاتىن, دەپ حابارلايدى Egemen.kz.
وكىنىشكە قاراي, ءورت ءسوندىرۋ كەزىندە قۇرمانبەكوۆ ارسلان جولداسبەك ۇلى قازا تاپتى.
تج مينيسترلىگى تاعى ءبىر قىزمەتكەردىڭ جاراقات العانىن حابارلادى.
«ورتكە قارسى قىزمەتتىڭ تاعى ءبىر قىزمەتكەرى الماتى قالاسى تجد ء«ورت ءسوندىرۋ جانە اۆاريالىق-قۇتقارۋ جۇمىستارى قىزمەتى» مم مامانداندىرىلعان جاساق بولىمشەسىنىڭ كومانديرى ازاماتتىق قورعاۋ اعا سەرجانتى وقاسوۆ ەرىك الماسبەك ۇلى قولىن جاراقاتتاپ الدى», دەلىنگەن مينيسترلىك جاريالاعان جەدەل اقپاراتتا.
ءورت ءسوندىرۋ جۇمىستارى جالعاسىپ جاتىر. قازاۆياقۇتقارۋدىڭ مي-171, مي-8 تىكۇشاقتارى جۇمىلدىرىلعان.
وقيعا ورنىندا «ىلە الاتاۋ» مۇتپ 42 قىزمەتكەرى جانە تجد جەكە قۇرامىنىڭ 32 ادامى مەن 5 تەحنيكا جۇمىس ىستەپ جاتىر.