ەلىمىزدە ۇلى وتان سوعىسى ارداگەرلەرىنىڭ ەلەكتروندى بازاسى جاسالدى, دەپ حابارلايدى Egemen.kz El.kz سايتىنا سىلتەمە جاساپ.
ەلىمىزدە سوعىس ارداگەرلەرىن ەسكە الۋ جانە جەڭىس كۇنىنە وراي قازاقستان رەسپۋبليكاسى اقپارات جانە قوعامدىق دامۋ مينيسترلىگىنىڭ قولداۋىمەن «Qazcontent» اق « ۇلى وتان سوعىسى ارداگەرلەرىنىڭ ەلەكتروندى بازاسى» جوباسىن ىسكە قوستى. بۇل بازا سوعىسقا قاتىسقان قازاقستاندىق ارداگەرلەر مەن تىل ەڭبەككەرلەرىنىڭ اتتارىن ماڭگى ەستە ساقتاۋعا ارنالعان ەلەكتروندى رەسۋرس. ول El.kz اقپاراتتىق اگەنتتىگى ارقىلى جۇزەگە اسىرىلادى.
بازا ونلاين رەجيمىندە تولىقتىرىلىپ, «ەر ەسىمى ەل ەسىندە» اقپاراتتىق پلاتفورماسىندا جيناقتالادى. سونىمەن قاتار ءاربىر قولدانۋشى دەرەكتەر بازاسىن تولىقتىرۋعا قاتىسا الادى. ول ءۇشىن ء اربىر وقىرمان مايدان دالاسىنا اتتانعان اتالارى تۋرالى دەرەكتەرىن batyrlargatagzym.el.kz سايتىنا جۇكتەپ, بولماسا تومەندەگى پوشتاعا جولداۋ قاجەت: elimai2012@gmail.com.
ارداگەرلەر تۋرالى جىبەرگەن اقپاراتتا اتى-ءجونى, تۋعان جەرى مەن جىلى, اسكەري اتاعى, سوعىستاعى ەرلىكتەرى تۋرالى تولىق مالىمەتتەرىن كورسەتۋ كەرەك. سونىمەن قاتار سۋرەتىن دە تىركەۋ قاجەت.
قازاقستاندا ۇلى وتان سوعىسىنا قاتىسقان 237 ارداگەر عانا قالعان. ولارعا جەڭىس كۇنىنىڭ قۇرمەتىنە ەڭ كەمى 1,5 ملن تەڭگەدەن ماتەريالدىق كومەك بەرىلەدى.