پەتروپاۆلدا قامىس ءورتى تۇرعىن ۇيلەرگە جەتتى, دەپ حابارلايدى Egemen.kz.
سولتۇستىك قازاقستان وبلىسى توتەنشە جاعدايلار دەپارتامەنتى ءباسپاسوز قىزمەتى كەشكى 19:00 شاماسىندا 5-سەننايا كوشەسىندە قامىس ورتەنىپ جاتقانى تۋرالى حابار كەلىپ تۇسكەنىن ايتتى.
قاتتى جەلدىڭ اسەرىنەن ءورت كۇشەيە تۇسكەن.
تج مالىمەتىنشە, 40 ادام قاۋىپسىز جەرگە كوشىرىلگەن.
«قاتتى جەلدىڭ سالدارىنان لاۋلاعان وت جاقىن ماڭداعى ۇيلەرگە جەتىپ, باسپانالار جانىپ كەتتى. تۇرعىندار قاۋىپسىز جەرگە شىعىپ ۇلگەردى. زارداپ شەككەندەر مەن قازا تاپقاندار جوق. ءورت ازىرگە اۋىزدىقتالعان جوق», دەدى دەپارتامەنتتىڭ ءباسپاسوز قىزمەتى.