ورالدا ستۋدەنتتەرگە ارنالعان 500 ورىندىق جاتاقحانا قۇرىلىسى اياقتالۋعا جاقىن. بۇل تۋرالى عىلىم جانە جوعارى ءبىلىم مينيسترلىگىنىڭ باسپاسوز قىزمەتى حابارلادى, دەپ جازادى Egemen.kz
ماحامبەت وتەمىسوۆ اتىنداعى باتىس قازاقستان ۋنيۆەرسيتەتىنىڭ ستۋدەنتتەرى ءۇشىن سالىنىپ جاتقان 500 ورىندىق جاڭا جاتاقحانانىڭ قۇرىلىسى زامان تالابىنا ساي بوي كوتەرگەن. توعىز قاباتتى نىساندا مۇگەدەكتىگى بار ءبىلىم الۋشىلارعا 16 ورىن قاراستىرىلعان. سەكتسيالاردىڭ ارقايسىسىندا اس ءۇي, جاتىن جانە جۋىنۋ بولمەلەرى بار.
«جاتاقحانانىڭ ەرەكشەلىگى – بۇرىنعىداي تۇرمىستىق بولمەلەر ءبىر قاباتتاعى تۇرعىنداردىڭ بارلىعىنا ورتاق ەمەس, جەكە پاتەر ەسەبىندە سالىنعان. مۇمكىندىگى شەكتەۋلى ستۋدەنتتەرگە ينكليۋزيا فورماتىنا سايكەس بولمەلەرى جابدىقتالادى. مەملەكەت باسشىسىنىڭ تاپسىرماسىنا سايكەس, الداعى 7 جىلدا 70 مىڭنان استام ستۋدەنتتى توسەك-ورىنمەن قامتۋىمىز كەرەك. بيىلعى 1 جىلدىڭ وزىندە مەملەكەت تاپسىرىسىمەن 10 مىڭ ورىن دايىندالىپ جاتىر», دەدى مينيستر ساياسات نۇربەك.
قۇرىلىس جۇمىستارى 85 پايىزعا اياقتالعان نىسان قىركۇيەك ايىندا پايدالانۋعا بەرىلەدى دەپ جوسپارلانىپ وتىر.