ءدىني اقپاراتتىق-ءتۇسىندىرۋ توبى اقمولا وبلىسىندا بولدى

اقپارات جانە قوعامدىق دامۋ مينيسترلىگى ءدىن ىستەرى كوميتەتىنىڭ ارنايى جوباسى اياسىندا بيىلعى جىلدىڭ 24-28 ءساۋىر ارالىعىندا اقمولا وبلىسىندا ء دىن ماسەلەلەرى جونىندەگى رەسپۋبليكالىق اقپاراتتىق-ءتۇسىندىرۋ توبىنىڭ (راتت) ماماندارى قاتىسۋىمەن ءدىني ەكسترەميزمنىڭ تارالۋىن الدىن الۋعا باعىتتالعان سەمينار جانە ءارتۇرلى فورماتتاعى ءىس-شارالار ۇيىمداستىرۋ شەڭبەرىندە ءوڭىر تۇرعىندارىمەن بىرقاتار كەزدەسۋ ءوتتى.    

اتالعان كەزدەسۋلەرگە راتت مۇشەلەرىنەن (تەولوگتار, ءدىنتانۋشىلار, پسيحولوگتار) – م.ا.سماعۇلوۆ, ل.س. شاكيموۆا, ج.س. راقىمبەرديەۆ, د.ق. باتاەۆا قاتىستى.

راتت مۇشەلەرىنىڭ قاتىسۋىمەن اقمولا وبلىسى, اتباسار, كوكشەتاۋ, ستەپنوگورسك قالالارىنىڭ قاجد قاراستى №1, №7, №4, №5 تۇزەۋ مەكەمەلەرىندە جازاسىن وتەۋشى ءدىندار ازاماتتارى, ءبىرجان سال جانە بۇلاندى اۋداندارىق قۇس فابريكاسىنىڭ جۇمىسشىلارى, سونىمەن قاتار اتالعان وڭىرلەردىڭ اۋداندىق اكىمدىكتەرىنىڭ اتت مۇشەلەرى, اتباسار قالاسى اگرارلىق-يندۋستريالدى كوللەدجى, «مامانداندىرىلعان بالالار جانە جاسوسپىرىمدەر سپورت مەكتەبى» كمم, شوقان ءۋاليحانوۆ اتىنداعى كوكشەتاۋ ۋنيۆەرسيتەتى, كوكشەتاۋ جوعارى مەديتسينالىق كوللەدجى, «ستەپنوگورسك قالاسى, تاۋ-كەن تەحنيكالىق كوللەدجى» مكقك جانە ت.ب. وقۋ ورىندارىنىڭ وقۋشىلارى, ستۋدەنتتەرى, وقىتۋشىلارى, پسيحولوگتارى, جاتتىقتىرۋشىلارى, «ناۋان حازرەت» ورتالىق مەشىتىنىڭ جاماعاتتارى اراسىندا سەمينارلار مەن كەزدەسۋلەر ءوتتى.

اتالعان ءىس-شارالاردا وڭىرلەردىڭ تۇرعىندارىنا قازاقستان حالقىنىڭ مادەنيەتى مەن رۋحاني مۇراسىنا, دەسترۋكتيۆتى جالعان ءدىني جانە راديكالدى يدەيالاردىڭ زياندىلىعىنا باعىتتالعان ءدىن سالاسىنداعى مەملەكەتتىك ساياساتتىڭ ءمانى تۋرالى اقپاراتتار بەرىلدى.

تىڭداۋشىلار تاراپىنان دا راتت مۇشەلەرىنە سۇراقتار قويىلىپ, ساۋالدارعا تۇجىرىمدى جاۋاپتار الىندى.