كەشە قازاقستان رەسپۋبليكاسىنىڭ قورعانىس ءمينيسترى سەرىك احمەتوۆ اقش-تىڭ قازاقستانداعى ۋاقىتشا سەنىمدى وكىلى دجون وردۆەيمەن كەزدەستى, دەپ حابارلادى وسى ۆەدومستۆونىڭ ءباسپاسوز قىزمەتى.
تاراپتار اسكەري جانە اسكەري-تەحنيكالىق ءوزارا ءىس-قيمىل سالاسىنداعى ەكىجاقتى ىنتىماقتاستىقتىڭ اعىمداعى جانە كەلەشەكتەگى ماسەلەلەرى بويىنشا پىكىر الماستى. «قاۋىپسىزدىكتى, بەيبىتشىلىك پەن تۇراقتىلىقتى قامتاماسىز ەتۋ سالاسىنداعى ىنتىماقتاستىق, – دەدى س.احمەتوۆ, – ەكىجاقتى قارىم-قاتىناستىڭ باسىم باعىتتارىنىڭ ءبىرى بولىپ تابىلادى».
تاراپتار قازاقستاندىق اسكەري قىزمەتشىلەردىڭ بىتىمگەرشىلىك الەۋەتىن, اسكەري ءبىلىم بەرۋ مەن ارنايى دايىندىعىن دامىتۋعا ىقپال ەتەتىن اسكەري ىنتىماقتاستىقتىڭ بەس جىلدىق جوسپارىن جۇزەگە اسىرۋ اياسىنداعى ءوزارا ءىس-قيمىلدىڭ تابىستىلىعىن اتاپ ءوتتى. دج.وردۆەيدىڭ پىكىرىنشە, قورعانىس سالاسىنداعى ءوزارا ءتيىمدى ارىپتەستىكتى دامىتۋ ءۇشىن ۇلكەن الەۋەت پەن پەرسپەكتيۆالار بار. ال بۇل ءوز كەزەگىندە, ءوزارا مۇددەلەستىك تانىتىلىپ وتىرعان ۋاعدالاستىقتار مەن جوبالاردى تابىستى جۇزەگە اسىرۋعا جاعداي تۋعىزادى.