2022 جىلى ماڭعىستاۋ وبلىسىندا پايدالانىلماي جاتقان 356 مىڭ گەكتاردان استام جەر مەملەكەت مەنشىگىنە قايتارىلدى. بۇل تۋرالى ماڭعىستاۋ وبلىسى اكىمىنىڭ ءباسپاسوز قىزمەتى حابارلادى, دەپ جازادى Egemen.kz.
ماڭعىستاۋ وبلىسى اكىمىنىڭ تاپسىرماسىمەن اۋىل شارۋاشىلىعى ماقساتىنداعى جەرلەردى پايدالانۋدى قاداعالايتىن جۇمىس توبى قۇرىلدى. الدىن الا جۇرگىزىلگەن ساراپتاما قورىتىندىسى بويىنشا وڭىردە 973 مىڭ گەكتار اۋىل شارۋاشىلىعى جەرى انىقتالعان. ونىڭ 356 مىڭ گەكتاردان استامى مەملەكەت مەنشىگىنە قايتارىلعان.
اتاپ ايتقاندا, تۇپقاراعان اۋدانىندا – 85,3 گا جەر, مۇنايلى اۋدانىندا – 26,09 گا جەر, بەينەۋ اۋدانىندا – 33,8 گا جەر, قاراقيا اۋدانىندا – 171,8 گا جەر, ماڭعىستاۋ وبلىسىندا – 39,6 گا جەر, جاڭاوزەندە - 10 گا جەر مەملەكەتكە قايتارىلدى.
يگەرىلمەي جاتقان اۋىل شارۋاشىلىعى جەرلەرىنىڭ باسىم بولىگى «سەنەك» جشس (288 946 گا), «تاۋشىق» جشس (247 633 گا) جانە «قاراعانتۇبەك» (212 192 گا) جەرلەرىنە تيەسىلى ەكەنى انىقتالدى.