بۇگىن استاناداعى تەرروريزمگە قارسى كۇرەس جونىندەگى جەدەل شتاب ساعات 11:00-دەن 16:00-گە دەيىن «نۇرلى جول» تەمىرجول ۆوكزالىندا جوسپارلى تەرروريزمگە قارسى وقۋ-جاتتىعۋ وتكىزەدى, دەپ حابارلايدى Egemen.kz.
«تەمىرجول ۆوكزالىنىڭ قورشاۋىندا شەكتەۋ شارالارى قاراستىرىلعان. وسىعان بايلانىستى ازاماتتاردى وتكىزىلەتىن وقۋ ءىس-شارالارىنا تۇسىنىستىكپەن قاراۋعا, قاۋىپسىزدىك شارالارىن ساقتاۋعا جانە مەملەكەتتىك ورگانداردىڭ جۇمىلدىرىلعان قىزمەتشىلەرىنىڭ زاڭدى تالاپتارىن ورىنداۋعا شاقىرامىز», دەلىنگەن تەرروريزمگە قارسى كۇرەس جونىندەگى جەدەل شتابتىڭ حابارلاماسىندا.
ءىس-شارانىڭ ماقساتى - جەدەل شتاب كۇشتەرى مەن قۇرالدارىنىڭ تەرروريستىك كورىنىستەرگە شۇعىل دەن قويۋ, تەرروريزم اكتىسىنىڭ سالدارىن ازايتۋ جانە جويۋ جونىندەگى مىندەتتەردى ورىنداۋعا دايىندىعىن تەكسەرۋ.