بيىل شىمكەنتتە جالپى ۇزىندىعى 201,7 شاقىرىم بولاتىن 253 كوشە ورتاشا جوندەۋدەن وتەدى. ولاردىڭ 21-ءى - ماگيسترالدى كوشەلەر, دەپ حابارلايدى Egemen.kz.
سونىمەن قاتار جىل سوڭىنا دەيىن 140,6 شاقىرىم جولدا قۇرىلىس جانە قايتا قۇرۋ جۇمىستارى جۇرگىزىلەدى. وسىلايشا, قالاداعى جاقسى جانە قاناعاتتانارلىق جاعدايداعى جولداردىڭ ۇلەسىن 71,2 پايىزعا جەتكىزۋ جوسپارلانادى.
قالاداعى كولىك كەپتەلىسىن ازايتۋ ماقساتىندا ءىرى قۇرىلىس جوبالارى جۇزەگە اسىرىلۋدا. بيىل د.قوناەۆ داڭعىلى جالعاسىنىڭ 2-ءشى جانە 5-ءشى كەزەڭدەرى, ا-2 اينالما جولىنىڭ 2-ءشى جانە 4-ءشى كەزەڭدەرى, وتەگەنوۆ كوشەسىنىڭ جالعاسى, ادىربەكوۆ كوشەسىن قايتا قۇرۋ جانە بايدىبەك بي-ارعىنبەكوۆ كوشەلەرى قيىلىسىنداعى جولايرىق قۇرىلىسى اياقتالادى.
جالپى, بۇگىندە مەگاپوليس اۋماعىنا كىرەتىن جولداردىڭ ۇزىندىعى - 3 247,6 شاقىرىم. ونىڭ ىشىندە 2 066,1 شاقىرىمى اسفالتتەلگەن, قالعانى شاعال تاس توسەلگەن جولدار.
قالانىڭ كەشەندى دامۋ جوسپارىنا سايكەس, 2023-2025 جىلدار ارالىعىندا 441,2 شاقىرىمدى قۇرايتىن 466 كوشەگە اسفالت توسەۋ جۇمىستارى جۇرگىزىلەدى.