قاڭتار وقيعاسىنا قاتىسى بار دەگەن كۇدىكپەن ۇستالىپ, ارتىنشا قاشىپ, كەيىن ەلگە قايتا قايتارىلعان سەرىك كۇدەباەۆ سوتتا جاۋاپ بەردى, دەپ حابارلايدى Egemen.kz.
سەرىك كۇدەباەۆ سوتتاعى سوڭعى سوزىندە ءوز كىناسىن مويىنداۋدان باس تارتتى.
«مەن كىنالى ەمەسپىن. حالقىما وق اتپادىم. ازاپتاۋ بولمادى. تاعىلعان ايىپتار سوتتا دالەلىن تاپپادى», دەدى سەرىك كۇدەباەۆ.
ەسكە سالا كەتەيىك, سەرىك كۇدەباەۆتىڭ ءىسىن تالدىقورعان وبلىستىق سوتى قاراپ جاتىر. ول قىلمىستىق كودەكستىڭ 370-بابىنىڭ 4-بولىگىنىڭ 1-تارماعى «اۋىر زارداپتارعا اكەپ سوققان قىزمەتتەگى ارەكەتسىزدىك» بويىنشا جاۋاپقا تارتىلدى.
الماتى وبلىسىنىڭ پوليتسيا دەپارتامەنتىن باسقارعان ازامات قاڭتار وقيعاسىنان كەيىن قىزمەتىنەن بوساتىلىپ, قىلمىسقا قاتىسى بار كۇدىكتى رەتىندە تانىلدى.