ەلىمىزدەگى ءباسپاسوز حاتشىلارى اقش قۇرىلىمدارىندا بىلىكتىلىگىن ارتتىرادى. بۇل جايىندا اقپارات جانە قوعامدىق دامۋ ءمينيسترى دارحان قىدىرالى قازاق تىلىندە كونتەنت جاساۋشىلاردىڭ VI فورۋمىندا ءمالىم ەتتى, دەپ حابارلايدى Egemen.kz.
مينيستر ۆەدومستۆو تاراپىنان مەدياساۋاتتى ارتتىرۋ باعىتىندا دا بىرقاتار شارا قابىلدانعانىن ايتتى.
«بۇل ءۇشىن ءبىز جاڭا مەديالار اشتىق. قازىرگى كەزەڭدە كوپتەگەن ادىستەمەلەر, سەمينارلار وتكىزىلە باستادى. تاياۋدا عانا اقش ەلشىلىگىنىڭ قولداۋىمەن ءباسپاسوز قىزمەتى جونىندە ۇلكەن جيىن, سەمينار ءوتتى جانە كىتاپتىڭ تۇساۋكەسەرى بولدى. تاياۋدا ءبىز تاعى دا اقش ەلشىلىگىنىڭ قولداۋىمەن قازاقستانداعى ءباسپاسوز حاتشىلارىن اقش-تىڭ بەلدى قۇرىلىمدارىنا اپارىپ, بىلىكتىلىگىن ارتتىرۋ كۋرسىن جالعاستىرۋدى ءجون كورىپ وتىرمىز. ول ءۇشىن تاعى دا راحمەت ايتامىن», دەدى دارحان قىدىرالى.