استانا. 10 شىلدە. شىمكەنت قالاسىندا «ەۆرو كريستالل» جاۋاپكەرشىلىگى شەكتەۋلى سەرىكتەستىگىنىڭ شىنى بۇيىمدارىن شىعاراتىن زاۋىتى ىسكە قوسىلدى. بۇل تۋرالى ontustik.gov.kz حابارلادى.
جالپى قۇنى 2,3 ملرد. تەڭگەگە باعالانعان بۇل جوبا ەلىمىزدىڭ يندۋستريالاندىرۋ كارتاسى شەڭبەرىندە ىسكە اسىپ وتىر.
وڭتۇستىك قازاقستان وبلىسى اكىمىنىڭ ورىنباسارى ساپاربەك تۇياقباەۆ: «ەلىمىزدە شىنى شىعاراتىن ەكى كاسىپورىن بولسا, سونىڭ جاڭا تەحنولوگيامەن جابدىقتالعان بىرەگەيى وسى زاۋىت بولىپ تابىلادى. قازىرگى تاڭدا زاۋىت رەسپۋبليكامىزداعى سۇرانىستىڭ 15 پايىزىن قامتىپ وتىر», ‒ دەدى.
بۇل جوباعا «بيزنەستىڭ جول كارتاسى-2020» باعدارلاماسى اياسىندا مەملەكەتتىك قولداۋ كورسەتىلگەن. كاسىپورىن شۆەيتساريالىق «Emhart» كومپانياسىنىڭ جابدىقتارىمەن قامتاماسىز ەتىلگەن. زاۋىت شىنى ماسساسىن دايىنداۋعا ارنالعان كومپونەنتتەردىڭ كەيبىر تۇرلەرىن (دولوميت, اكتاس) جانە قىلتاسى بار شىنى بۇيىمداردىڭ بارلىق ءتۇرىن شىعارا الادى.
جولدىباي بازار.
دەرەككوز: ontustik.gov.kz.
فوتو: ontustik.gov.kz.