ءوندىرىس الاڭىنداعى اۆتوماتتاندىرىلعان جۇيە

«Wenco» تاۋ-كەن كولىگى كەشەنىن باس­قارۋدىڭ اۆتوماتتاندىرىلعان جۇيە­سى سالا كاسىپورىندارىنا ونىم­دىلىكتى ارتتىرۋ ماقساتىندا شارالار قا­بىل­داۋدى, ناقتى ۋاقىتتاعى جۇ­مىس ۇر­دىستەرىن ۆيزۋاليزاتسيالاۋدى قام­تا­ماسىز ەتەدى. ستەپنوگور وڭىرىندەگى اقسۋ-2 كاسىپورنىندا ەنگىزىلگەن جاڭا جۇيەنىڭ ارتىقشىلىقتارىنا جۇيەنى پايدالانۋدىڭ قاراپايىمدىلىعىن, اشىق كەنىشتەگى قاۋىپسىزدىك جانە ون­دىرىستىك كورسەتكىشتەردىڭ جاقسارۋىن جات­قىزۋعا بولادى. مۇندا قۇرامىندا التىن كەزدەسەتىن كەن اشىق ادىسپەن وندىرىلەدى. جى­لىنا 5 ملن توننا كەن ءوندىرىلىپ, وڭ­دەۋدەن وتەدى. «ال­تىن­الماس» كومپانياسى قا­ۋىپسىزدىك پەن ونىم­دىلىكتى ارتتىرۋعا, پاي­دالانۋ شى­عىندارىن ازايتۋعا, اشىق كەنىش تەح­نيكاسىنىڭ قىزمەت مەرزىمىن ۇزارتۋعا مۇمكىندىك بەرەتىن شەشىمدەردى ەنگىزۋ ءۇشىن اشىق تاۋ-كەن جۇمىستارىندا جابدىقتى باسقارۋ جۇيەلەرىن جاساق­تايتىن IT سالا­سىنداعى الەمدىك كوشباس­شىلار­دىڭ ءبىرى «Wenco» كومپانياسىمەن ىنتىماقتاستىق ورناتقان بولاتىن.

«Wenco» تاۋ-كەن كولىك جابدىق­تا­رىنىڭ جۇمىسى تۋرالى دەرەكتەردى جيناپ, ونى تالدايدى. وسى ارقىلى ديسپەتچەرلەر كەن ساپاسىنا قويىلاتىن تالاپتاردى ەسكەرە وتىرىپ, كەن تاسيتىن تەحنيكالاردىڭ ءتۇسىرۋ ورىندارىنا ۇلەستىرۋگە مۇمكىندىك بەرەدى. سونىمەن قاتار باعدارلامالىق جاساقتامانىڭ يكەم­دى قۇرىلىمى بازالىق جۇيەگە ءار­تۇرلى وپتسيالاردى قوسۋعا جول اشادى. ونىڭ قاتارىندا ەكسكاۆاتورلارعا, تيە­گىش­تەرگە, بۋلدوزەرلەرگە جانە گرەي­دەر­لەرگە ارنالعان جوعارى دالدىكتى پوزيتسيا­لاۋ بار.

اۆتوماتتاندىرىلعان جۇيەنى اقسۋ-2 وندىرىستىك الاڭىندا تاجىريبەلىك پايدالانۋ وتكەن جىلدىڭ قاراشا ايىندا باس­تالدى. قازىر ول وندىرىستىك پايدالانۋعا قوسىلدى. ديسپەتچەرلەۋدى Wi-Fi بايلانىسىمەن قامتاماسىز ەتۋ ءۇشىن بارلىق ونەركاسىپتىك وبەكتىلەردە (اشىق كەنىش, كەن قويماسى جانە تاعى باسقالارى) IT-ينفراقۇرىلىمى تولىق ورناتىلعان. تاۋ-كەن تەحنيكاسى وپەراتورلارىن, گەولوگتەردىڭ, ماركشەيدەرلەردىڭ, IT-ما­مان­داردىڭ, ديسپەتچەرلەردىڭ بىلىك­تىلىگىن ارتتىرۋ ماقساتىندا قوسىمشا وقىتۋ جۇرگىزىلدى. تاۋ-كەن كولىك جابدىقتارىنا «Wenco» بورتتىق كومپيۋتەرلەرى ورناتىلدى. جۇيە اقسۋ-2-دەگى 35 كولىككە قويىلعان.

«جۇيەنىڭ باستى ەرەكشەلىكتەرى – ونى پايدالانۋدىڭ قاراپايىمدىلىعى, ءۇردىستى قاداعالاۋ مۇمكىندىگى, اشىق كەنىشتەگى قاۋىپسىزدىكتىڭ ارتۋى, ءار تەحنيكا بويىن­شا جەدەل جانە جيناقتاۋ ەسەپتىلىگىن جاساۋ. اقپاراتتى اۆتوماتتى تۇردە جيناۋ ونىڭ تولىقتىعىنا, ۋاقىتىنا جانە دالدىگىنە قول جەتكىزۋگە مۇمكىندىك بەرەدى. سونىمەن قاتار ديسپەتچەرلەردىڭ, جۇيە ءۇشىن دەرەك جيناۋ, ەنگىزۋ جانە وڭدەۋ سياقتى كۇندەلىكتى جۇمىسى ايتارلىقتاي جەڭىلدەيدى. وسىلايشا, جالپى ونىمدىلىك ارتادى, قىزمەتكەرلەردىڭ جۇمىسى جەڭىل­دەيدى», دەيدى «التىنالماس اك» اق اۆتوماتتاندىرۋ جونىندەگى اعا جوبالىق مەنەدجەرى دارىن مۇڭسىزباەۆ.

كەن اۋدارۋ ايماقتارىنداعى جۇمىس­­تاردى قاداعالاۋ ماقساتىندا تيەۋ جاب­دىقتارى جوعارى دالدىكتى پوزيتسيالاۋ جۇيەسىمەن جابدىقتالعان. جەدەل با­قىلاۋ ءۇشىن زاماناۋي جاب­دىق­تال­عان ديس­پەتچەرلىك ورتالىق ۇيىمداس­تىرىلىپتى.

«Wenco» باعدارلامالىق جاساقتا­ماسىن ودان ءارى تەحنيكالىق قولداۋدى, تەحنيكالىق قىزمەت كورسەتۋدى اقپاراتتىق جۇيە­لەردى قولداۋ ءبولىمى قولعا الادى. «التىنالماس» ونەركاسىپتىك نىسان­دارىن تسيفرلاندىرۋ جانە اۆتوماتتاندىرۋ 2017 جىلدان باستاپ ىسكە اسىرىلىپ كەلە جاتقان «تسيفرلىق كەنىش» باعدار­لاماسى شەڭبەرىندە جۇرگىزىلىپ جاتىر. ول وندىرىستىك تيىمدىلىكتى ارتتىرۋعا, وندىرىستىك شىعىنداردى تومەندەتۋگە, جاڭا اقپاراتتىق تەحنولوگيالار مەن قۇرال­داردى قولدانا وتىرىپ, وزىق تاجى­ريبەلەر مەن يننوۆاتسيالىق تاسىلدەر­دى قولدانۋ ارقىلى پەرسونالدىڭ ناتي­جەلىلىگىن جاقسارتۋعا باعىتتالعان. «Wenco» جۇيەسىن باسقا دا ءوندىرىس ورىندارىنا ورناتۋ جوسپارلانعان.