مەديتسينانىڭ جاي-كۇيى سارالاندى

اتالعان اۋرۋحانادا وسى كۇنى دەنساۋلىق ساقتاۋ مينيستر­لىگىنىڭ كوشپەلى القا جۇمىسى ۇيىم­داستىرىلدى. وعان قاتىسۋ­شىلار وڭىرلەرگە ترانسلياتسيالاۋ ماقساتىندا اتالعان اۋرۋحانا بازاسىنداعى العاشقى مەدي­تسي­نا­لىق كومەك كورسەتۋدىڭ وزىق تاجىريبەسىن زەردەلەدى.

بۇدان كەيىن دەنساۋلىق ساقتاۋ ءمينيسترى اجار عينيات وبلىس ورتالىعى – قوناەۆ قالا­سىنداعى مادەنيەت ۇيىندە وبلىس حالقى­مەن جانە ازاماتتىق سەكتورمەن كەزدەسۋ وتكىزدى. كەز­دە­سۋدە دەن­ساۋلىق ساقتاۋدى دا­­مىتۋدىڭ بىرنەشە باسىم با­­­­عىتتارىن, اتاپ ايتقاندا, مە­­­دي­تسينالىق-ساني­تارلىق ال­­عاش­قى قىز­مەت (مساك) ۇيىم­دا­رىندا مە­ديتسي­نالىق قىز­مەت­تەر­دىڭ قولجە­تىمدىلىگىن قام­تا­ماسىز ەتۋ جانە قامتۋدى كە­ڭەيتۋ, اۋىلدىق مەديتسينانى دا­­مىتۋ, انا مەن بالا دەنساۋ­لىعىن ساقتاۋ, ءدارى-دارمەكپەن قامتاماسىز ەتۋدى جاقسارتۋ بو­يىن­شا باياندادى.

– ءبىز مەملەكەت باسشى­سىنىڭ حالىققا مەديتسينالىق كومەك كورسەتۋدىڭ تيىمدىلىگىن ارتتىرۋ جونىندەگى تاپسىرمالارى شەڭبەرىندە كەشەندى جۇمىس جۇرگىزىپ جاتىرمىز. ناتيجە­سىندە, ەل بويىنشا دەن­ساۋ­لىق ساقتاۋدىڭ نەگىزگى مەدي­تسي­نالىق-دەموگرافيالىق كورسەت­كىش­تە­­رىنىڭ وڭ ديناميكاسى باي­قا­لادى. الماتى وبلىسىنداعى كور­­سەتكىشتەرگە كەلەر بولساق, حا­لىقتىڭ جالپى ءولىمى 13 پا­يىزعا تومەندەدى. سونداي-اق قا­ناينالىم جۇيەسى اۋرۋلارىنان بولاتىن ءولىم­نىڭ كورسەتكىشى – 26 پايىزعا, وبىر – 5 پايىزعا, تىنىس الۋ اعزالارىنىڭ اۋرۋلارىنان بولاتىن ءولىم – 43 پايىزعا, ال تۋبەركۋلەزدەن بولاتىن ءولىم 25 پايىزعا تومەندەدى, – دەدى مينيستر.

اۋىل تۇرعىندارىنا مەديتسي­نالىق كومەكتىڭ قولجەتىمدىلىگىن قامتاماسىز ەتۋ ءۇشىن وتكەن جىلى 107 مساك نىسانى پايدالانۋعا بەرىلدى. الماتى وبلىسىندا 17 جىلجىمالى مەديتسينالىق كەشەن 289 مىڭ اۋىل تۇرعىنىن قامتىدى.

وسى جىلى اۋىلدىق دەن­ساۋلىق ساقتاۋدى جاڭعىرتۋ جو­نىندەگى ۇلتتىق جوبا شەڭ­بە­رىندە ەلىمىزدە 655 مساك نى­سانىنىڭ قۇرىلىسى قارقىن الاتىن بولسا, سونىڭ 38-ءى الماتى وبلىسىنا تيەسىلى.

ينسۋلت, ينفاركت, جاراقات جانە باسقا جاعدايلاردا شۇعىل مەديتسينالىق كومەك كورسەتۋدىڭ جەدەلدىگى مەن قاعيداتىن ۇستانا وتىرىپ, جوعارى تەحنولوگيالىق مەديتسينالىق جابدىقتارمەن, ونىڭ ىشىندە 32 اۋدانارالىق ەمحانانىڭ تەلەمەديتسيناسىمەن رەكونسترۋكتسيالاۋ جانە جاراق­تاندىرۋ قامتاماسىز ەتىلەدى. بۇل پاتسيەنتتەردى قاجەتتى مە­ديتسينالىق تەكسەرۋ مەن ەم الۋ ءۇشىن قالالارعا بارۋ قاجەتتى­لىگىنەن ارىلتادى. وسى ماقساتتا الماتى وبلىسىندا, اتاپ ايت­قاندا, قاراساي اۋدانىندا ەكى اۋدانارالىق ورتالىق اۋرۋحانا قۇرۋ جوسپارلانعان.

ازاماتتاردى قابىلداۋدا سالا باسشىسىنا ءدارى­حا­نانىڭ بولشەك-ساۋدا جەلىسىندەگى با­عا­لاردى رەتتەۋ جانە دارىلىك نا­رىق­­تى با­قىلاۋ, ءمامس جۇ­يەسى ەسە­بىنەن زەينەت­كەرلەرگە ستو­ما­­تو­لوگيالىق كو­مەك الۋ مۇم­­كىندىگى تۋ­رالى بىر­قاتار ءوتى­نىش جىبە­رىلدى.

وسى جولعى ەلمەن جۇز­دەسۋىندە دەنساۋلىق ءمينيسترى ءوڭىر تۇرعىن­دارىنىڭ ءاربىر وتى­نى­شىنە تولىق تۇسى­نىكتەمە بەرىپ, ۆەدوم­ستۆونىڭ بەيىندى دەپار­تامەنت­تەرىنە شە­شىم­دەردى پى­سىقتاۋدى تاپسىردى.

الماتى وبلىسى