ۇكىمەت باسشىسى يراننىڭ ءبىرىنشى ۆيتسە-پرەزيدەنتى موحامماد موحبەرمەن كەزدەسۋ وتكىزەدى. كەزدەسۋ بارىسىندا تاراپتار ەكى ەل ىنتىماقتاستىعىنىڭ وزەكتى ماسەلەلەرىن تالقىلايدى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
كەلىسسوزدەر قورىتىندىسى بويىنشا بىرقاتار ۆەدومستۆوارالىق جانە كوممەرتسيالىق قۇجاتقا قول قويىلادى دەپ كۇتىلۋدە.
سونداي-اق ءاليحان سمايىلوۆ يران پرەزيدەنتى يبراحيم رايسيمەن دە كەزدەسەدى دەپ جوسپارلانىپ وتىر.
ايتا كەتەتىن جايت, پرەمەر-ءمينيسترىنىڭ ساپارى اياسىندا قازاقستاننىڭ يرانداعى ءۇشىنشى ساۋدا-ەكونوميكالىق ميسسياسى ءوتىپ جاتىر. وعان تاماق, حيميا, قۇرىلىس, جەڭىل ونەركاسىپ جانە مەتاللۋرگيا بويىنشا 20 وتاندىق تاۋار ءوندىرۋشى قاتىسىپ جاتىر.