كەشە پرەزيدەنتتىڭ كومەكشىسى – قازاقستان رەسپۋبليكاسى قاۋىپسىزدىك كەڭەسىنىڭ حاتشىسى قايرات قوجامجاروۆ «ورتالىق» وڭىرلىك قولباسشىلىعىنىڭ اسكەري بولىمدەرى بازاسىندا وتكەن ۇلتتىق ۇلاننىڭ كوماندالىق قۇرامىنىڭ وقۋ-مەتوديكالىق جيىنىنا قاتىستى.
اتالعان شارا اياسىندا ۇلتتىق ۇلان اسكەري كەڭەسىنىڭ ءماجىلىسى ءوتىپ, ونىڭ بارىسىندا قىزمەتتىك-اسكەري جۇمىستاردىڭ نەگىزگى قورىتىندىلارى شىعارىلدى جانە الداعى كەزەڭگە ارنالعان ناقتى مىندەتتەر ايقىندالدى.
ماجىلىستە ق.قوجامجاروۆ ۇلتتىق ۇلاننىڭ قوعامدىق قاۋىپسىزدىك پەن قۇقىق ءتارتىبىن قامتاماسىز ەتۋدەگى ءرولىن اتاپ كورسەتتى. ولارعا ءوز قىزمەتتەرىن ارى قاراي جەتىلدىرۋ بويىنشا تاپسىرمالار بەرىلدى.
سونداي-اق, ۇلتتىق ۇلان بولىمشەلەرىنىڭ كۇشتەر مەن قۇرالداردى جەدەل-قىزمەتتىك قولدانۋ اۋدانىنا جەتكىزۋدەگى, سونىمەن قاتار, ءپاراشيۋتتى-دەسانتتىق جانە اسكەري بارلاۋ توپتارىنىڭ پراكتيكالىق ءىس-قيمىلدارى كورسەتىلدى.
جيىن قورىتىندىلارى بويىنشا پرەزيدەنتتىڭ كومەكشىسى – قاۋىپسىزدىك كەڭەسىنىڭ حاتشىسى تاراپىنان «ورتالىق» وڭىرلىك قولباسشىلىعىنىڭ جەكە قۇرامىنىڭ ءىس-قيمىلىنا وڭ باعا بەرىلدى.