ەۋرازيا ۇلتتىق ۋنيۆەرسيتەتىنىڭ «دالا سازى» حالىق اسپاپتار وركەسترى جاڭا شىعارماشىلىق شىڭداردى باعىندىرىپ جاتىر, دەپ حابارلايدى Egemen.kz عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
قازاقستان ستۋدەنتتەرى Open Italy اشىق حالىقارالىق اسپاپتىق مۋزىكا بايقاۋىندا «Folk instrument» اتالىمى بويىنشا ۇزدىك اتاندى.
ونەر دوداسىنا 34 ەلدىڭ وكىلدەرى قاتىستى. حالىقارالىق بايقاۋ 2023 جىلدىڭ 23 ساۋىرىندە يتاليانىڭ پەزارو قالاسىندا باستالدى. وسىمەن 15-ءشى رەت وتكەن ونەر دوداسىنا 34 ەلدىڭ وكىلدەرى قاتىستى.
ەۇۋ وركەسترىنىڭ قۇرامىندا 10 ستۋدەنت ونەر كورسەتتى. ولار قۋانىش نۇكىشەۆتىڭ «شابىت» جانە قۇربانيوننىڭ «ناۋاي شارك» اتتى ەكى تۋىندىسىن ورىندادى. قازاقستاندىق ستۋدەنتتەردىڭ مۋزىكالىق ونەرلەرىن حالىقارالىق بايقاۋدىڭ قازىلار القاسى جوعارى باعالادى.
ەۇۋ وركەسترى 19-21 جاس ارالىعىنداعى ساناتتا «ۇلتتىق اسپاپتار» اتالىمى بويىنشا ءى ورىنعا لايىق دەپ تانىلدى. باس جۇلدەنى قازاقستاندىق «باستاۋ» توبى السا, بولگاريالىق «Gergana Ruseva» توبى ەكىنشى ورىن يەلەندى.