پرەمەر-مينيستر ءاليحان سمايىلوۆ پەن ەلىمىزگە رەسمي ساپارمەن كەلگەن چەحيا پرەمەر-ءمينيسترى پەتر فيالا قازاق-چەح ىنتىماقتاستىعىن ودان ءارى نىعايتۋ پەرسپەكتيۆالارىن تالقىلادى, دەپ حابارلايدى Egemen.kz ۇكىمەتتىڭ ءباسپاسوز قىزمەتىنە سىلتەمە جاساپ.
وتكەن جىلى ەكى ەل اراسىنداعى تاۋار اينالىمى 67%-عا ارتىپ, $423 ملن-عا جەتتى. قارقىندى ءوسۋ بيىل دا جاسلعاسىن تاۋىپ جاتىر.
سونىمەن قاتار, قازاقستان چەحياعا 95 تاۋار پوزيتسياسى بويىنشا شامامەن $600 ملن سوماعا ءونىم ەكسپورتىن ارتتىرۋعا دايىن.
ينۆەستيتسيا تارتۋ – ەكىجاقتى ىنتىماقتاستىقتىڭ ماڭىزدى باعىتى. ماسەلەن, 2008 جىلدان بەرى قازاقستانعا $270 ملن-عا جۋىق تىكەلەي چەح ينۆەستيتسياسى تارتىلدى. بۇل رەتتە تۇراقتى ءوسۋ ءۇردىسى كەيىنگى جىلدارى دا ساقتالادى.
پرەمەر-مينيستر ونەركاسىپتىك كووپەراتسيانى دامىتۋ, اتاپ ايتقاندا, قازاقستاندا ماشينا جاساۋ ءوندىرىسىن لوكاليزاتسيالاۋعا ەرەكشە نازار اۋدارىلىپ وتىرعانىن اتاپ ءوتتى.
«قازىرگى ۋاقىتتا جوعارى يندۋستريالدى ايماقتارعا ءبىزدىڭ دوستىعىمىزدى دامىتۋدىڭ لوكوموتيۆى بولا الاتىن «Skoda Transportation», «Czechoslovak group» جانە باسقا دا بىرقاتار ءىرى چەح كومپانيالارى ايتارلىقتاي قىزىعۋشىلىق تانىتىپ وتىر», دەدى ءاليحان سمايىلوۆ.
سونىمەن قاتار, ءاليحان سمايىلوۆ ترانزيتتىك-كولىك سالاسىنداعى, ونىڭ ىشىندە ترانسكاسپي حالىقارالىق كولىك باعىتى شەڭبەرىندەگى ءوزارا ءىس-قيمىلدى نىعايتۋدىڭ, ەكى ەل اراسىندا تىكەلەي اۋە قاتىناسىن ورناتۋدىڭ جانە IT-ستارتاپتارعا ۆەنچۋرلىك ينۆەستيتسيالار تارتۋ بويىنشا ىنتىماقتاستىقتىڭ زور پەرسپەكتيۆالارىن اتاپ ءوتتى.
ءوز كەزەگىندە پەتر فيالا چەحيانىڭ قازاقستانمەن ءوزارا ءتيىمدى ىنتىماقتاستىقتى ودان ءارى دامىتۋعا دايىن ەكەندىگىن اتاپ ءوتتى. بۇل رەتتە ەنەرگەتيكا, ازىق-ت ۇلىك جانە قارجى سالالارىنداعى باستامالار ەرەكشە قىزىعۋشىلىق تۋدىرادى.
«چەحيانى قازاقستانمەن ۇزاق مەرزىمدى دوستىق قارىم-قاتىناستار بايلانىستىرادى جانە ءبىز ءوزارا ىنتىماقتاستىقتىڭ ودان ءارى دامۋىنا مۇددەلىمىز. ءبىز قازاقستاندى ورتالىق ازيا ايماعىنداعى نەگىزگى سەرىكتەستەردىڭ ءبىرى دەپ سانايمىز. سونىمەن قاتار ءبىزدىڭ ىنتىماقتاستىعىمىزدىڭ اۋقىمى دا كەڭەيىپ كەلەدى, ويتكەنى بۇكىل ەۋروپالىق وداق ورتالىق ازيا ەلدەرىمەن تىعىز ارىپتەستىكتى دامىتۋعا مۇددەلى. ال قازاقستان مەن چەحيا اراسىنداعى قارىم-قاتىناس – وسى ىنتىماقتاستىقتىڭ ءبىر تىرەگى», دەدى پەتر فيالا.