قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ ۇيىمداستىرۋىمەن زورلىق-زوملىققا قارسى قىلمىستارعا قارسى كۇرەس تاقىرىبىندا ءباسپاسوز ءماسليحاتى ءوتتى, دەپ حابارلايدى Egemen.kz.
ۇلتتىق كوميسسيا سوت-پسيحولوگتار, بالالاردان جاۋاپ الۋ ادىستەرى جانە جەكە پوليتسيا بولىمدەرى, جىنىستىق زورلىق-زومبىلىقپەن كۇرەسۋ بويىنشا ماسەلەلەردى قاراستىردى.
ايمان وماروۆا وسى سالاداعى مامانداردى دايىنداۋ جانە كاسىبي ءبىلىم بەرۋگە قاتىستى پىكىر ءبىلدىرىپ, سوت پسيحولوگتارىنىڭ بولۋى ماڭىزدى ەكەنىن ايتتى. ارى ۇلتتىق كوميسسيا وكىلدەرى سوت-پسيحولوگتاردى دايارلاۋ ءۇشىن وقۋ كۋرسىن دايىندايتىنىن جەتكىزدى.
سونىمەن قاتار, ول زورلىق-زومبىلىق ماسەلەسىن دە كوتەردى.
«ەڭ ۇلكەن ماسەلە – زورلىق-زومبىلىققا قارسى قىلمىستىق ىستەردى تەرگەيتىن پوليتسيا بولىمشەلەرىنىڭ جوقتىعى. كوبىنە بۇنداي ىستەر دالەلدەمەلەردىڭ دۇرىس ەمەس ۋاقىتتا الىنۋىنان, ساراپتاما ۋاقىتىندا تاعايىندالماۋىنان جانە وسىعان ۇقساس سەبەپتەرمەن توقتاتىلادى. سوندىقتان ءبىز زورلىق-زومبىلىققا قاتىستى ىستەردى تەرگەيتىن جەكە دەپارتامەنتتەر قۇرۋدى ۇسىنامىز», دەدى سپيكەر.
تاعى ءبىر ماڭىزدى ۇسىنىس - كامەلەتكە تولماعانداردى جاۋاپقا الۋ ادىستەمەسىن ازىرلەۋ.
«قۇجاتتى تەورەتيكتەر ەمەس, ونى ءىس جۇزىندە جاسايتىن ادامدار ازىرلەۋى كەرەك. ويتكەنى جاس بالالاردان جاۋاپ العان كەزدە ولار 10 رەت: «زورلادىڭىز با, زورلامادىڭىز با؟» دەپ سۇرايدى. كىشكەنتاي بالاعا ۇلكەندەرمەن ءجيى قويىلاتىن سۇراقتى قويۋعا بولمايدى», دەدى ول.
ادۆوكات ايمان وماروۆا مۇنداي جاعدايلاردا سوت-مەديتسينالىق ساراپتامانى ساۋاتتى جۇرگىزۋ قاجەتتىگىن العا تارتتى.
قورىتىندىلاي كەلە, ايمان ۋماروۆا ۇلتتىق كوميسسيا بالالار قۇقىقتارى جونىندەگى ومبۋدسمەندەردى وقىتۋدى دا دايىندايتىنىن ايتتى.