بۇل تۋرالى ۇلتتىق تەستىلەۋ ورتالىعىنىڭ ديرەكتورى رۋسلان ەمەلباەۆ مالىمدەدى, دەپ حابارلايدى Egemen.kz عىلىم جانە جوعارى ءبىلىم مينيسترلىگىنىڭ ءباسپاسوز قىزمەتىنە سىلتەمە جاساپ.
ۇتو باسشىسى سافي وتەباەۆ اتىنداعى اتىراۋ مۇناي جانە گاز ۋنيۆەرسيتەتىنىڭ بازاسىندا اتىراۋ قالاسى مەكتەپتەرىنىڭ تۇلەكتەرىمەن كەزدەسۋ وتكىزىپ, مەندەلەەۆ (حيميالىق ەلەمەنتتەردىڭ پەريودتىق جۇيەسى) جانە تۇزدار ەرىگىشتىگى كەستەسىنىڭ باسىپ شىعارىلعان نۇسقاسىن كورسەتتى.
«بارشاڭىزعا ءمالىم, «حيميا» ءپانىن تاپسىرۋشىلارعا مەندەلەەۆ جانە تۇزدار ەرىگىشتىگى كەستەسى كومپيۋتەردە بەرىلەدى. الايدا تۇلەكتەر ونىڭ قاعاز نۇسقاسىن پايدالانۋعا رۇقسات سۇرادى. وسىعان دەيىن ايتقانىمداي, ءبىز 2023 جىلعى ۇبت-دا تەستىلەنۋشىلەردىڭ قالاۋى بويىنشا كەستەلەردىڭ قاعاز نۇسقاسىن بەرۋ تۋرالى شەشىم قابىلدادىق», دەپ اتاپ ءوتتى رۋسلان ەمەلباەۆ. ۇتو ديرەكتورىنىڭ ايتۋىنشا, تالاپكەرلەر كەستەنىڭ ەلەكتروندىق نەمەسە قاعاز فورماتىن دا قولدانا الادى. سونداي-اق ول تالاپكەرلەرگە قاعاز نۇسقاسىن تەست اكىمشىلەرى ۇبت-نىڭ وزىندە بەرەتىنىن ەسكەرتتى. ەستەرىڭىزگە سالا كەتەيىك, تەستىلەۋ كەزىندە بارلىق تالاپكەر ءۇشىن كومپيۋتەر ەكرانىندا «ماتەماتيكالىق ساۋاتتىلىق», «ماتەماتيكا», «ينفورماتيكا», «فيزيكا», «حيميا» جانە «گەوگرافيا» پاندەرى بويىنشا ەسەپتەردى شەشۋ ءۇشىن كالكۋلياتور قولجەتىمدى بولادى.