شاحماتتىڭ بليتس تۇرىنەن ەكى دۇركىن الەم چەمپيونى ءبيبىسارا اساۋباەۆا «قازاقستان رەسپۋبليكاسىنىڭ ەڭبەك سىڭىرگەن سپورت شەبەرى» اتاعىن الدى. جاس شاحماتشى قۋانىشتى حابارمەن ءوزىنىڭ Instagram پاراقشاسىندا ءبولىستى, دەپ حابارلايدى Egemen.kz.
«مەنى قۇتتىقتاپ قويساڭىزدار بولادى. الدارىڭىزدا – شاحماتتان قازاقستانداعى جالعىز قازاقستان رەسپۋبليكاسىنىڭ ەڭبەك سىڭىرگەن سپورت شەبەرى», دەپ جازدى ول Instagram stories-تە.
شاحماتتان قازاقستان رەسپۋبليكاسىنىڭ مەملەكەتتىك جاتتىقتىرۋشىسى داستان قاپاەۆ تا ءبيبىسارا اساۋباەۆانى قۇتتىقتادى.
ءبيبىسارا اساۋباەۆا 2004 جىلى تاراز قالاسىندا تۋعان. 2019 جىلى ايەلدەر اراسىنداعى حالىقارالىق گروسسمەيستەر اتانسا, 2020 جىلى ەرلەر اراسىنداعى حالىقارالىق شەبەر اتاعىن الدى.
جاس سپورتشى شاحماتتىڭ بليتس تۇرىنەن 2021-2022 جىلدارى قاتارىنان ەكى رەت الەم چەمپيونى بولدى.
ايتا كەتسەك, 2021 جىلى شاحماتتان الەم چەمپيوناتىندا راپيد بويىنشا كۇمىس جۇلدەگەر اتاندى.