الەۋمەتتىك جەلىدە تەڭىز جاعاسىندا ءجۇزىپ جۇرگەن قولتىراۋىننىڭ ۆيدەوسى تارادى. كوپشىلىك ونى كاسپي تەڭىزى جاعالاۋىندا تۇسىرىلگەن دەپ توپشىلادى, دەپ حابارلايدى Egemen.ءkz وڭىردىڭ قوعامدىق كوممۋنيكاتسيالار ورتالىعىنا سىلتەمە جاساپ.
ماڭعىستاۋ وبلىستىق ورمان شارۋاشىلىعى جانە جانۋارلار دۇنيەسى اۋماقتىق ينسپەكتسياسىنىڭ باسشىسى عابباس دوساتوۆ بۇل اقپاراتتىڭ جالعان ەكەنىن ايتتى.
«ۆيدەو كاسپي تەڭىزىندە تۇسىرىلگەن بولۋى مۇمكىن ەمەس. ويتكەنى قولتىراۋىن تۇششى سۋدا ءومىر سۇرەدى. ول سونداي-اق اۋا رايى جىلى بولاتىن افريكا سياقتى تروپيكالىق جانە سۋبتروپيكالىق ايماقتاردى مەكەندەيدى. قولتىراۋىندار ءبىزدىڭ كليماتقا بەيىمدەلە المايدى. سوندىقتان ۆيدەونى مۇقيات تالداعاننان كەيىن اقپاراتتىڭ جالعان ەكەنىنە كوز جەتكىزدىك», دەدى ع. دوساتوۆ.