سالىق زاڭناماسىنا ەنگىزىلگەن وزگەرىستەرگە سايكەس 2024 جىلعى 1 قاڭتاردان باستاپ ورماندى پايدالانعانى ءۇشىن تولەماقى جاڭا ەرەجەلەرىمەن تولىقتىرىلىپ, ورمان جانە وسىمدىكتەر رەسۋرستارىن پايدالانعانى ءۇشىن تولەماقى بولىپ قولدانىسقا ەنگىزىلەدى, دەپ حابارلايدى Egemen.kz.
ماسەلەن, ەگەر قازىرگى ۋاقىتتا مەملەكەتتىك ورمان قورى جانە ەرەكشە قورعالاتىن تابيعي اۋماقتاردىڭ اۋماعىنداعى وبەكتىلەرگە عانا سالىق سالىناتىن بولسا, كەلەسى جىلدان باستاپ سالىق سالۋ وبەكتىلەرىنە وسى اۋماقتان تىس جەردە جينالاتىن وسىمدىكتەردىڭ جابايى تۇرلەرى دە ەنگىزىلگەن.
مەملەكەتتىك ورمان قورى اۋماقتارىنان جانە ەرەكشە قورعالاتىن تابيعي اۋماقتاردان تىس جينالاتىن فارماتسەۆتيكالىق, ازىق-ت ۇلىك جانە تەحنيكالىق قاجەتتىلىكتەر ءۇشىن وسىمدىكتەردىڭ جابايى تۇرلەرى بويىنشا تولەمدەر وسىمدىك رەسۋرستارىن پايدالانعانى ءۇشىن تولەماقى رەتىندە قارالادى جانە وسىمدىكتەردىڭ جابايى تۇرلەرىن دايىنداۋ (جيناۋ) كەزىندە الىنادى.
وبلىستاردىڭ, رەسپۋبليكالىق ماڭىزى بار قالالاردىڭ جانە استانانىڭ جەرگىلىكتى وكىلدى ورگاندارى ء(ماسليحاتتار) وسىمدىكتەردىڭ تۇرلەرىن, وسىمدىكتەردىڭ جابايى تۇرلەرىن جيناۋدىڭ ءبىر كيلوگرامى ءۇشىن تولەماقى مولشەرلەمەلەرىن بەلگىلەيدى, سونداي-اق تولەماقى سوماسىن ەسەپتەيدى.
وسىمدىكتەر دۇنيەسىن ارنايى پايدالانۋ تارتىبىمەن وسىمدىك رەسۋرستارىن پايدالانۋ قۇقىعى جابايى وسىمدىكتەردى دايىنداۋ (جيناۋ) تۋرالى تولەماقى تولەنگەن جانە حابارلاما جىبەرىلگەن جاعدايدا بەرىلەدى.
وسىمدىكتەردىڭ جابايى تۇرلەرىن دايىنداۋدى (جيناۋدى) جۇزەگە اسىراتىن تۇلعالار توقسان سايىن, ەسەپتى توقساننان كەيىنگى ايدىڭ 20-كۇنىنەن كەشىكتىرىلمەيتىن مەرزىمدە جىلدىق تولەماقى سوماسىنان تەڭ ۇلەستەرمەن وسىمدىكتەردى دايىنداپ, جيناعان ورنى بويىنشا بيۋدجەتكە تولەماقى تولەيدى.
تولەماقى بويىنشا سالىق ەسەپتىلىگى ۇسىنىلمايدى.