سوڭعى ۋاقىتتا ينتەرنەت جۇيەسى رەسپۋبليكا قالالارىنداعى قوعامدىق كولىكتەردىڭ سالوندارىنا دا ورنىعا باستادى.وسىنداي جاعىمدى جايت شىلدە ايىنىڭ باسىنان بەرى ەلىمىزدىڭ باتىستاعى قاقپاسى – ورال شاھارىندا دا كورىنىس بەردى. قوعامدىق كولىكتە ينتەرنەتتىڭ جۇرگىنشىلەر يگىلىگىنە بەرىلۋىنە ەۋرازيالىق سيپاتتاعى وبلىس ورتالىعىنىڭ «قازاقستان Wi-Fi Bus» اتتى اۋقىمدى جوباعا قوسىلعانى وڭ سەپتىگىن تيگىزدى.
بۇل وزىق جوبا ارقىلى ينتەرنەت قىزمەتىن سىمسىز, ءارتۇرلى جالعاۋلارسىز ەمىن-ەركىن پايدالانا بەرۋگە بولادى. تەك وعان كومەكشى تەتىك رەتىندە قوسىمشا قوندىرعى ورناتىلسا جەتىپ جاتىر. ازىرگە ورال قالاسىندا ينتەرنەت جۇيەسى ورناتىلعان اۆتوبۋستار مەن قوعامدىق كولىكتەر سانى شەكتەۋلى. ايتسە دە, تاياۋ كۇندەردە ونىڭ سانىن ءوسىرۋ كوزدەلگەن.
تەمىر قۇسايىن,
«ەگەمەن قازاقستان».
ورال.