جاڭاوزەندە اۆاريالىق-قۇتقارۋ جۇمىستارى اياقتالدى

«ساعات 18.15-تە بارلىق اۆاريالىق-قۇتقارۋ جانە ۇيىندىلەردى تالداۋ جۇمىستارى اياقتالدى. قازىرگى ۋاقىتتا جاڭاوزەن قالاسىنىڭ اكىمدىگى كوميسسيا قۇردى. وسى كوميسسيا ورىن العان جارىلىستىڭ ءمان-جايىن انىقتاپ, كەلتىرىلگەن زالالدى انىقتايدى», دەلىنگەن تجم حابارلاماسىندا.

ەسكە سالايىق, 17 ءساۋىر كۇنى تاڭعى بەستەر شاماسىندا جاڭاوزەندەگى ەكى پودەزدى 12 پاتەرلى تۇرعىن ۇيدە گاز باللونى جارىلعان بولاتىن. ءبىر كىرەبەرىس قۇلاعاندا 11 ادام زارداپ شەكتى.

كەيىنىرەك جاڭاوزەندەگى جارىلىسقا بايلانىستى جەدەل شتاب قۇرىلىپ, جەدەل جەلى تەلەفونى اشىلدى 8/7292/31-90-99.

«قازمۇنايگاز» جاڭاوزەندەگى توتەنشە جاعداي سالدارىنان باسپاناسىز قالعان تۇرعىندارعا جاڭا پاتەر بەرەتىنىن حابارلادى.