جاڭاوزەندە ەكى قاباتتى تۇرعىن ۇيدە بولعان جارىلىستىڭ سەبەبى انىقتالدى, دەپ حابارلايدى Egemen.kz.
«17 ساۋىردە تۇنگى ساعات 04:05 شاماسىندا جاڭاوزەن قالاسى, شۇعىلا مولتەك اۋدانىندا ورنالاسقان 2-قاباتتى ۇيدە گازدىڭ اعۋى سالدارىنان جارىلىس بولدى. اتالعان فاكتى قر قك-ءنىڭ 292-بابىنىڭ 3-بولىگى بويىنشا تىركەلىپ, سوتقا دەيىنگى تەرگەپ-تەكسەرۋ باستالدى», دەدى ماڭعىستاۋ وبلىستىق پروكۋراتۋراسىنىڭ ءباسپاسوز قىزمەتى.
قازىر اتالعان ءىس بويىنشا وبلىس پروكۋراتۋراسىمەن پروتسەستىك پروكۋرورلار توبى ايقىندالىپ, وبلىستىق تجد جانە پد باسشىلارىنىڭ بىرلەسكەن بۇيرىعى نەگىزىندە ۆەدومستۆوارالىق جەدەل-تەرگەۋ توبى قۇرىلعان.
سوتقا دەيىنگى تەرگەپ-تەكسەرۋ وبلىس پروكۋراتۋراسىنىڭ باقىلاۋىنا الىنىپ, تەرگەۋ ارەكەتتەرى جالعاسىپ جاتىر.