الەۋمەتتىك كارتا نە ءۇشىن كەرەك؟

مامىر ايىنان باستاپ پارتيانىڭ جاستار قاناتى 20 ايماقتا زاماناۋي جارمەڭكەلەر ۇيىمداستىرىپ, ازاماتتاردىڭ ناقتى الەۋمەتتىك كارتاسىن قۇراپ شىعاردى. بۇل قۇجات جاس ازاماتتىڭ ناقتى تۇرعىلىقتى جەرىن, ءبىلىمىن, سوڭعى ۋاقىتتا زەينەتاقى قورىنا قانشا اۋدارىم جاساعانىن, قىزىعۋشىلىعىن, سوڭعى رەت قانداي جۇمىسپەن اينالىسقانىن جانە ونىڭ وزگە دە سۇرانىستارىن قامتيدى.

«جاستاردىڭ وزەكتى سۇراقتارىنا جاۋاپ بەرۋ – ءبىز ءۇشىن وتە ماڭىزدى. ماسەلەن جۇمىسسىزدىق ماسەلەسىنە بايلانىستى ءبىز جىل باسىندا «جاستارعا جۇمىس» جوباسىن ىسكە قوستىق. بيىل 100 مىڭ جاستى جۇمىسپەن قامتۋدى نەگىزگى ماقسات ەتىپ وتىرمىز. ويتكەنى جاس­تار اۋىلدان قالاعا كەلگەن كەزدە بازاردىڭ توڭىرەگىن جاعالايدى, تاكسي جۇرگىزەدى نەمەسە جەتكىزىپ بەرۋشى بولىپ جۇمىسقا ورنالاسادى. سونداي ازاماتتاردىڭ كەي كەزدەرى قۇجاتتارى دۇرىس بولماي جاتادى. كەيبىرەۋىنىڭ تۇرعىلىقتى مەكەنجايى جوق بولىپ شىعادى. جالپى, مۇندا قاراپايىم قاعازدان باستاپ, سوتقا دەيىنگى ماسە­لەلەر كوپتەپ كەزدەسەدى. الەۋمەتتىك كارتا – وسىنىڭ ءبارىن ايقىن كورسەتەتىن قۇجات. بىرىنشىدەن, ەسىگىمىز جۇمىسسىز جاستارعا ءاردايىم اشىق, ءبىز ولاردان حابارلاما كۇتەمىز. ەكىنشىدەن, وڭىرلەردەگى ءماسليحات دەپۋتاتتارىنا جول كارتاسى اياسىندا جەرگىلىكتى اكىمدىكتەرمەن بىرلەسىپ, الەۋمەتتىك كارتانى ازىرلەۋدى تاپسىرىپ جاتىرمىز», دەدى ن.جەتپىسباەۆ.

وسىلايشا, جاستار قاناتى اۋداندارداعى ەكى قولعا ءبىر كۇرەك تاپپاي سەندەلگەن جاستاردى قىزمەتكە ورنا­لاستىرۋدى كوزدەپ وتىر. بۇعان دەيىن ولار ء«ساتتى قادام», «جاستار كادرلىق رەزەرۆى» سىندى بىرقاتار جوبانى ىسكە اسىرعان ەدى.

ء«وزىن-ءوزى جۇمىسپەن قامتىعانداردى قوسا ەسەپتەگەندە, جاستار اراسىنداعى جۇمىسسىزدىق 10 پايىزعا دەيىن جەتكەن. جالپى ارينە, 100 مىڭ دەگەن بۇل كوپ ەمەس, دەگەنمەن دە بۇل ءبىزدىڭ العاشقى قادامدارىمىزدىڭ ءبىرى. 100 مىڭ جۇمىس ورنى ءتۇرلى ماماندىقتى قامتيدى. قازىردىڭ وزىندە تاۋ-كەن ءوندىرىسى بويىنشا 2 مىڭ جۇمىس ورنىن جۇمىسشىلارمەن قامتاماسىز ەتۋ بويىنشا كەلىسىمدەر جۇرگىزدىك. سونداي-اق قازىر «سامعاۋ» دەگەن جوبا قوسىلىپ جاتىر. بۇل جوبا ەڭبەك جانە حالىقتى الەۋمەتتىك قورعاۋ مينيسترلىگىمەن بىرلەسىپ جاسالعان. باعدارلاما جاس مامانعا ۇلتتىق كومپانيالاردا, ءىرى بيزنەس كومپانيالاردا تاعىلىمدامادان ءوتىپ, جۇمىسقا ورنالاسۋ مۇمكىندىگىن بەرۋدى كوزدەيدى. وسىعان قوسا 2,5 پايىزدىق نەسيە بەرۋ ارقىلى 1-2 جاستى جۇمىسپەن قامتۋ ماسەلەسى دە قولعا الىنادى», دەدى «جاستار رۋحى» جاستار قاناتىنىڭ توراعاسى.