ەل مەن جەردىڭ تىرەگى

ەلباسىنىڭ تۋعان كۇنىنە ارناۋ قازاقتى اقىن حالىق دەيمىز. ءبىر اۋىز ولەڭ قۇراستىرا المايتىن قازاق جوق دەيمىز. سول ءسوزدىڭ راستىعىنىڭ تاعى ءبىر ايعاعى – رەداكتسياعا تاياۋدا تۇسكەن مىنا شۋماقتار. بۇل شۋماقتار قازاق ونەرىندەگى جارىق جۇلدىزداردىڭ ءبىرى – قازاقستاننىڭ حالىق ءارتىسى زامزاگۇل ءشارىپوۆانىڭ قالامىنان شىعىپتى. ءتورت اياعى تەڭ جوسىلعان جورعا جولدار ەمەس, ارينە. كوركەمدىك كەستەسى كەمدەۋ. ءبىر تۇستا ۇيقاسى السىزدەۋ سوعىپ قالادى. تاعى ءبىر تۇستا بۋىنى تولماي قالادى. ايتسە دە, وسى كۇيىندە دە, وقىرمان نازارىنا ۇسىنۋعا بەكىنىپ وتىرمىز. ويتكەنى, مۇندا اتاقتى اكتريسانىڭ جان-جۇرەگىن جارىپ شىققان اق تىلەگى بار, ەل باعىنا تۋعان تۇلعا ءۇشىن ماقتانىش سەزىمى بار, حالقىمىزدىڭ بۇگىنگى بيىگىنە قۋانىشى بار. وسىنداي اقتارىلعان كوڭىل-كۇي مىڭ-مىڭداعان وقىرماندارىمىزعا ورتاق دەپ بىلەمىز. التىسىندا شىلدەنىڭ تۋعان كۇنى ەلباسىنىڭ! بىلە بىلسەڭ, قازاعىم, نۇرسۇلتان سەنىڭ اسىلىڭ. سويلەگەندە سەزگەندەيسىڭ نايزاعايدىڭ جاسىنىن! كەلگەننەن بۇل ومىرگە جوق قوي ءمىنى. شارلاپ كەتتى الەمگە – ونىڭ ءۇنى! حالىقتىڭ باعى بولعان الىپ تۇلعا, تۋعان ەلىن كوتەردى اسقار شىڭعا. بيىككە تاۋەلسىزدىك تۋىن تىگىپ, اڭىز بوپ قوسىلدى اتى ولەڭ-جىرعا! قىزمەت ەتىپ ەلىنە, حالقىنىڭ بولدى پاناسى. وسى تۇلعا قازاقتىڭ حاس داناسى, قايتالانباس داراسى! قوسىلدى جىرعا تاعى دا جارالدى حالىق باعىنا. بۇكىل حالىق تىرەك بولدى مىزعىمايتىن تاعىنا! ەل مەن جەردىڭ تىرەگى, بىرگە سوققان جۇرەگى. جاساسىن ۇزاق ەلباسى – بار حالىقتىڭ تىلەگى! قازاقستان رەسپۋبليكاسىنىڭ  حالىق ءارتىسى  زامزاگۇل نۇسىپبايقىزى ءشارىپوۆا. الماتى.